Túngi klýbta halyqty ıslam duǵalaryna bıletken dıdjeı jurttyń ashýyn keltirdi (VIDEO)

/uploads/thumbnail/20170710004823779_small.jpg

Áleýmettik jelide túngi klýbta ıslam duǵalarynan remıks jasap, halyqty bıletken dıdjeıdiń vıdeosy keńinen taraldy. Tipti, vıdeodan dıdjeıdiń «azan shaqyrǵan» bolyp aıqaılap jatqan daýysyn estımiz.

Málimetter boıynsha, klýb Týnıstiń kýrorttyq qalasy Nabýlde ornalasqan eken. Vıdeony áleýmettik jeliden kórgender narazy bolyp, qarsy pikirlerin jaýdyra tústi.

Osy jaǵdaıdan keıin atalmysh oqıǵaǵa baılanysty tergeý jumystary bastaldy. Nabýl qalasynyń gýbernatory Mnaýar Ýertanı málim etkendeı, jurtty shýlatqan túngi klýb naqty sheshim qabyldanǵansha jabyq bolady.

Al klýbtyń ıesi «moraldik normalardy buzyp, adamgershilik qundylyqtardy aıaq asty etkeni úshin» qamaýǵa alynypty.

«Dinı nanym-senim men qadir-qasıetke qastandyq jasaýǵa jol bermeımiz», - dep málim etti Ýertanı.

Bul rolık áleýmettik jelide úlken daý týdyryp, dúısenbi kúni festıvál uıymdastyrýshylary «Feısbýktegi» jeke paraqshasy arqyly jurttan keshirim surady. Aıtýlarynsha, áýenmen eshkimniń dinı nanymyna qıanat jasap, mazaq qylý oılarynda bolǵan joq.

Al basy daýǵa qalǵan dıdjeılerdiń biri Dax J: «Meniń bireýdi renjitip nemese namysyna tıemin degen oı eshqashan bolǵan emes», - dep málim etti.

«Qamshy» aqparattyq agenttigi atalmysh vıdeony nazarlaryńyzǵa usynady. 

Pikir qaldyrý

Qatysty Maqalalar