Orta salmaqta WBO tujyrymy boıynsha álem chempıony ulybrıtanıalyq boksshy Bıllı Djo Sonders (24-0, 12 KO) jekpe-jekti uıymdastyrýǵa kelisim ala almaǵanyn málimdedi, - dep habarlaıdy Vesti.kz.
Sońǵy kezderi Sonderstiń ókilderi orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkınniń (37-0, 33 KO) komandasymen kelissózder júrgizip jatty. Astanada maýsym aıynda ótýi múmkin boks keshinde Golovkınge basty qarsylas retinde osy ulybrıtanıalyq boksshy bolady delingen.
Sonders málimdemesinde kelissózderdiń nelikten iske aspaýynyń sebebin aıtpady. Sonymen qatar, ol kimmen kelissózder júrgizip jatqany týraly da tis jarmady. Barlyq suraqtar boıynsha óziniń promoýteri Frenk Ýorrenge habarlasýdy surady. "Jekpe-jek bolmaıdy. Menen emes,  Frenk Ýorrennen surańyzdar. Bolmashy istermen aınalysqym kelmeıdi. Tesco (brıtanskaıa set sýpermarketov - prım. red.) dúkenderinen jumys izdep kórsem deımin", - dep jazdy Sonders Twitter jelisindegi óz paraqshasynda.
Aıta keteıik, ınsaıderlik aqparat boıynsha, BAQ betterinde Golovkın - Sonders jekpe-jegi Astanada 17 maýsymda EXPO-2017 halyqaralyq kórmesi kúnderi ótetini habarlandy. Qazaqstandyq boksshy men meksıkalyq Saýl "Kanelo" Alvares arasyndaǵy jekpe-jek qyrkúıekte ótedi dep boljanady, alaıda kelissózder áli de júrip jatyr.