Reseı quramyna kiretin Kabardıno-Balkarıı Respýblıkasynyń Prohladnyı qalasynda 34 jastaǵy áke 8 aılyq balasyn uıyqtaýǵa kedergi keltirgeni úshin 4 qabattyń terezesinen laqtyryp jiberdi, dep habarlaıdy Komsomolskaıa pravda. Málimettiń qazaqsha nusqasyn «Qamshy» Aqparattyq Agenttigi oqyrman nazaryna usynady.

İshimdikke toıyp alǵan erkek uıyqtaǵysy kelip jatqan kezinde balasynyń jylaǵan daýysy maza bermepti, sonan soń balany alyp 4 qabattyń terezesinen laqtyryp jibergen. Alesha esimdi búldirshin aýyr jaraqat alǵan, degenmen tiri.

Oqıǵa oryn alǵan kezde anasy úıinde bolǵan. Alaıda, ol bolǵan jaıtty baıqamaı qalǵan.

Sábıdi kóshede ótip bara jatqan beıtanys bireýler aman alyp qalǵan. Kýágerler dereý jedel járdem shaqyryp, balany reanımasıalyq bólimge alyp ketken.

Qazir dárigerler sábıdiń ómirin qutqaryp qalý úshin baryn salýda, bala aýyr jaraqattanǵan.

Belgili bolǵandaı, balanyń anasy kórshilerimen tóbeles shyǵarǵany úshin tergeýge alyndy. Al ákesi psıhıatrıalyq aýrýhanada «olıgrofenıa» dıagnozymen esepke alynypty, sonymen qatar, osy ýaqytqa deıin úsh ret sotty bolǵan eken.

Anasy da, ákesi de jumyssyz. Endigi kezekte olardy ata-analyq quqyǵynan aıyrý máselesi qarastyrylýda.

Aýdarǵan: Nazerke Labıhan