Qyrǵyzstan prezıdenti Almazbek Atambaev osyndaı málimdeme jasady dep habarlaıdy «Qamshy» aqparattyq agenttigi "Vechernıı Bıshkek"-ke silteme jasap. Onyń sózinshe Halyqaralyq TMD elderi arasyndaǵy statısıkalyq komıtettiń jınaǵynda Qyrǵyzstan halqynyń ár adam basyna shaqqanadaǵy jalpy ishki ónim boıynsha Tájikstannan basqa barlyq kórshi elderden qalys qaldy.
Almazbek Atambaev Qazaqstannyń TMD elderiniń arasynda atalmysh kórsetkish boıynsha kósh bastap turǵanyn aıtty. Qyrǵyzstanda bir adamǵa shaqqandaǵy JİÓ Qazaqstanmen salystyrǵanda 9 esege tómen. Al bir adamǵa búdjet kirisi 7 esege az ekenin alǵa tartty. Desek te, Qyzǵyzstan prezıdenti qyrǵyz halqy Qazaqstan turǵyndarynan jaqsy turatynyn aıtty.
«Barlyq esep boıynsha qyrǵyzstandyqtar Qazaqstan halqymen salystyrǵanda 7-9 ese tómen turýy kerek. Qazaqstandaǵy qarapaıym adamdardyń ómir súrý deńgeıi men Qyrǵyzstan halqynyń turmysynda aıyrmashylyqtar bar. Bizdiń kóptegen aýyldarymyzdaǵy turǵyndar kórshi elderden jaqsy turady» dedi Almazbek Atambaev.
Buǵan deıin Qyrǵyzstan prezıdenti 2010 jyly bolǵan adam shyǵynyna Qazaqstandy kinálaǵan.
