QR Prezıdenti Nursultan Nazarbaev «Qazaqfılm» kınostýdıasyna túriktiń «Súleımen sultan» serıaly tárizdi tarıhı kınoepopeıa túsirýdi tapsyrdy. QazAqparattyń jazýynsha bul týraly keshe Almatyda «Eýrazıa» halyqaralyq kınofestıvaliniń ashylýynda qala ákimi Ahmetjan Esimov aıtqan.
Qazir osyndaı kartınany túsiretin talantty rejıserler, senarıster, akterler óte kóp jáne kınostýdıada barlyq múmkindikter bar ekenin aıtqan ákim: «Keshe men Memleket basshysymen áńgimelestim. Álemdik aýqymdaǵy jańa dáýirlik lentalar jasaý týraly áńgime boldy. Mysalǵa, Prezıdent qazaqstandyqtardyń «Súleımen sultan» túrik serıalyn qyzyǵa kóretinin atap ótti. Ol «Qazaqfılm» aldyna Jánibek pen Kereı handardan bastap, qazaq halqynyń tarıhyn baıandaıtyn osyndaı dáýirlik lenta jasaý mindetin qoıdy», - degen.
Esterińizde bolsa Habar arnasy Túrkıanyń «Sultan Súleımen» atty tarıhı tele sarıalyn kórermenderge usynǵan bolatyn.
Qamshy-aqparat
