Qazaqtyń eń kóp taraǵan rýy - arǵyn. Qazaqtardyń rý boıynsha beıresmı sanaǵynyń osyndaı málimeti áleýmettik jelilerde jarıalanǵan. Bul málimetterge qaraǵanda, Orta júzdiń ókili - arǵyndardyń sany 509 myń adam eken. Ekinshi orynda - taǵy da Orta júzdiń ókili - naıman (395 myń adam). Úshinshi orynda Uly júzdiń ókili - dýlat (334 myń).

Kishi júzdegi urpaǵy eń kóp rý shómekeı (100 myń) bolyp shyqsa, Adaılar - 90 myń adam, Tabyndar - 80 myń bolǵan. Tengrinews.kz saıtynyń jazýynsha 1896-1911 jyly júrgizilgen aýyl sharýashylyǵy sanaǵy málimetteri boıynsha da Arǵyndardyń sany 509 myń adam bolǵan. Ol ýaqytta bul rý ókilderi, negizinen, Kókshetaý, Qarqaraly, Aqmola, Torǵaı, Atbasar, Petropavl, Omby ýezeri men Semeı qalasynda turǵan.

Muhamedjan Tynyshbaevtyń málimetinshe, 1917 jyly arǵyndar qazaq rýlary arasynda sany (890 myń adam) jóninen ekinshi oryndy ıelengen. Birinshi orynda baıuly (1 030 myń adam), úshinshi orynda naımandar (830 myń adam) bolǵan.  Qazaqstanda shilde aıyndaǵy statısıka boıynsha halyqtyń  11,2 mıllıony qazaqtar ekeni habarlanǵan bolatyn. Málimetter boıynsha sheteldegi qazaqtar sany 4,5 mıllıonnan astam adamdy quraıdy.

Qamshy-aqparat