Qazaqstanǵa Qytaıdan sıntetıkalyq esirtkiniń jańa túrleri kelip jatyr, Almatyda ótken dóńgelek ústelde bul týraly QR İİM Esirtki bıznesine qarsy kúres komıteti tóraǵasynyń orynbasary Janat Bıtenov aıqan. Bulaı dep Tengrinews.kz habarlady.

"QHR-dan esirtkiniń jańa túrleri, atap aıtqanda JWH kelip jatyr. Biz onymen kúresip jatyrmyz, úlken bóligin tárkileımiz. Sıntetıkalyq esirtki túrleri esirtki zattarynyń jıyntyq kestesine kirmeıdi, sol sebepti biz onymen ustalǵan adamdardy qylmystyq jaýapkershilikke tarta almaımyz, osy jaǵynan problema bar. Soǵan baılanysty Qazaqstannyń jańa Qylmystyq kodeksine 2015 jyldan bastap, sıntetıkalyq esirtki túrleri boıynsha jańa tarmaq engiziledi, biz sonda ǵana tosqaýyl qoıa alamyz. Árıne, basqa da qıyndyqtar bar, mysaly, spice bar. Oǵan Internetpen erkin tapsyrys berýge bolady. Bul jaǵynan keden jáne poshta qyzmetterimen birge jumys júrgizip jatyrmyz", - dedi Bıtenov.

Onyń aıtýynsha, bul másele álem boıynsha bar. Sıntetıkalyq esirtki túrleri Reseıge de, Eýropa elderine de baryp jatady. Álemde sıntetıkalyq esirtkiniń 240-tan astam túri bar eken. Qazaqstanda esirtkige táýeldilerdiń qatary qazir 40 myń adam deńgeıinde kórinedi.

Qamshy-aqparat