«AstanaMusical» teatrynyń ártisteri Elorda turǵyndary men qonaqtaryna jańa keremet shoý – «Er Tóstik» atty qazaq halyq ertegisi jelisi boıynsha jasalǵan múzıklin tartý etedi. Múzıkl tusaýkeseri 14 sáýir kúni «Qazaqstan» ortalyq konsert zalynda ótedi dep habarlaıdy "Qamshy" aqparattyq agenttigi.

«Er Tóstik» múzıkli Er Tóstik batyr týraly kópshilik biletin sújet qana emes, izgilik pen zulymdyqtyń, jamandyq pen jaqsylyqtyń qaqtyǵysy týraly halyqtyq epos.

Týyndynyń basty maqsaty Jaqsylyq, Abyroı, Aqyl, Namys, Mahabbat sekildi joǵary adamgershilik sapalardy bekitý. Olardyń tolassyz kúshi zulymdyqty jeńip, qarańǵylyqty seıiltedi. Sondaı-aq, qyzyqqa toly oqıǵalar, batyrlyq, erlik jáne mahabbat jelisiniń tańǵajaıyp sheshimi.

Tamasha áýenniń jarqylyna toly, biregeı horeografıa, jandy vokal, keremet beıne ınstallásıa, bir sátte aýysyp otyratyn kóz tartarlyq dekorasıalar, ádemi kostúmderdiń aýysýy men ártisterdiń kásibıligine tolǵan áserli is-áreket kórermendi ertegiler álemine eliktirip áketedi. Spektákl sahnasy zamanaýı dekorasıalarmen bezendirilgen, vıdeoınstalásıalar qosylǵan, oryndaýshylar úlken ártistik sheberlikpen óz obrazdaryn somdaıdy.  Osynyń barlyǵy mýzyka avtory – Bolatbek Nurqasymov, lıbretto avtory – Ánnás Baǵdat, senarıst jáne  qoıýshy-rejısseri – Eslám Nurtazın sıaqty úzdik mamandardan qurylǵan shyǵarmashylyq toptyń birikken eńbeginiń nátıjesinde dúnıege keldi.

Ertede uly juttan ǵalamdy túnek jaılaǵan zaman bolady.

Tóstik dúnıege kelip, onyń nurynan túnek seıiledi. Tóstik kún sanap ósip, azamat bolyp, Kenjekeı atty arýǵa úılenedi.

Periniń qyzy Bektory túnek patshasy Temir hannyń buıryǵy boıynshanókerleri – Dıý, Shoıynqulaq, Jalǵyzkóz, Dúleı, Obyrmenbirge Tóstiktiń kózin joıýǵa keledi. Osylaısha “aq” pen “qaranyń”talasy bastalady.

Bektory áýeli Tóstiktiń berekesizdikten kúshteri álsiregen Taýsoǵar, Saqqulaq, Kóltaýsar, Jelaıaq, Epti, Qyraǵy atty alty dosyn jeńip, olardy jer astyna, túnekke jiberedi.

Bektory dýa men cıqyrlap Tóstiktiń qarýyn (sadaǵyn) qolǵa túsiredi. Biraq, Tóstikke kóńili túsip, óltirýge qımaı tiri qaldyrady.Kenjekeı Tóstiktiń dýasyn qaıtaryp, esin jıǵyzady. Alaıda, Bektory sadaǵymen birge Tóstiktiń aryn alyp qoıǵan edi. Osy arqyly Tóstik pen Kenjekeıdiń arasyna ot tastap ketedi.

Tóstik dostarymen birge jer betine shyqqanda, arada jetpis jyl ótken eken. Tóstik jer astyna túskennen beri jer betin qaıta túnek jaılapty. Kenjekeı toqsanǵa kelip qartaıǵan eken.

Báıterektiń túsindirýimen Tóstik qanatty pyraǵy Shalquıryqqa minip kókke kóterilgende kún basty adamǵa aınalady. Osylaısha, jer betine jaryq nur qaıta ornap, ýaqyt keri aınalyp bári óz qalpyna keledi. Jurt Tóstikke madaq jyryn aıtady. Osy kezde Temir han túnektiń bar kúshin bastap jer betine shyqqan eken. Kún basty ilki kemel adamǵa aınalǵan Er Tóstik túnekti jeńip, elin qýanyshqa bólep, súıgen jary Kenjekeıge qaıta qosylady.