Parıj qalasynyń ortalyǵyndaǵy «Ulttyq front» partıasynyń shtabyn órtep jibermek boldy, dep habarlaıdy «Qamshy» aqparattyq agenttigi. Bul partıanyń tóraıymy Marın Le Pen Fransıa prezıdenttigine basty úmitkerlerdiń biri.

Búgin túngi saǵat 3:00-de Parıj qalasynyń órt sóndirý qyzmetine oqıǵa týraly habar kelgen. Ǵımarattyń tek syrtqy esigi ǵana zaqymdanǵan.

Eldiń aqparat kózderiniń habarlaýynsha, oqıǵa úshin jaýapkershilikti «Ksenofobıamen kúres» toby óz moıyndaryna alǵan.

Le Pendi osyǵan deıin «Vel d’ Iv» oqıǵasy úshin Fransıa halqy jaýapty emes degen sózi úshin synaǵan bolatyn. Onyń aıtýynsha, 1942 jyly Fransıada evreı halqyn qamap, konslagerlerge jibergen ýaqytta elde fashısik rejım bolǵan. Demek, bul genosıd Fransýz halqynyń erkinen tys jasalǵan. Izraıl jaǵy saıasatkerdiń bul sózin «tarıhı shyndyqty» burmalaý dedi.