«EKSPO-2017» kórmesiniń Festival Avenue jańa saýda ortalyǵyna júzden asa qazaqstandyq brend shyǵarylatyn bolady dep habarlaıdy "Qamshy" aqparattyq agenttigi.
Sondaı-aq qazaqstandyq ónim shetelge (shamamen 30 el) eksporttalmaq, onda qazaqstandyq pavılondar qurylady.
Búgingi kúnniń ózinde Festival Avenue saýda ortalyǵyna 30 brend shyǵarylǵan.
Pavılonnyń birinshi qabatynda qazaqstandyq óndirýshilerdiń kádelik ónimderi satylýda, ekinshi qabatta jeńil ónerkásip taýarlary bar. Úshinshi qabatta degýstasıalaý zaly ornalasqan, onda qazaqstandyq ónimderdiń dámin tatyp kórýge de, satyp alýǵa da bolady.
Sonadı-aq "Halyq markasy" federasıasynyń Astana qonaqjaılarynda kádelik ónimderdiń assortımentin keńeıtip,meıramhanalardyń mázirine qazaq ulttyq taǵamdaryn qospaq oılary bar.
Qazaqstandyq ónimderdi tanytýshy stendter jýyq arada eýropalyq elderdiń, Ázirbaıjan, Qyrǵyzstan, Reseı jáne Túrkıanyń Duty free jelilerine shyǵarylady.
Rımma TÁJİBAEVA , qazaqstandyq taýarlar men qyzmetter sapasyna baqylaý federasıasynyń prezıdenti "Halyq markasy":
"Biz óndirýshilerdi búkil eldiń ishinen iriktep alamyz. Qazaqstan atynan syrtqy naryqqa shyǵýǵa laıyqty brendterdiń Qazaqstanda jetkilikti ekendigin atap ótkim keledi. Astanada pavılondardy aralap shyqqan sheteldikter qazaqstandyq taýarlarǵa kóńilderi tolyp, biraz zat satyp aldy."
2-3 aıdan soń Máskeýde Eýrazıalyq İskerlik Keńes sheńberinde saýda-elektrondy alańsha jumysyn bastamaq. 2016 jyly elderdiń jáne RF aımaqtyq pavılondary formatynda turaqty negizde istep turǵan EADS-EKSPO kórmesi jobasy iske qosyldy, onda óndirýshilerdiń ónimderi qoıylady. Bul kórme Eýrazıalyq Ekonomıkalyq Komısıa, Reseı Federasıasynyń basqa salalyq mınıstrlikteri men vedomstvolary tarapynan joǵary baǵaǵa ıe boldy. Kórme Reseı Federasıasy sýbektileri arasyndaǵy, sondaı-aq EAEO, BRIKS, ASEAN, SHYU múshe elder, Ortalyq jáne Orta Azıa aımaǵy, Taıaý Shyǵys pen Soltústik Afrıka elderi arasyndaǵy, Reseıdiń óńirleri men atalǵan áriptes elderdiń saýdalyq operatorlary arasyndaǵy tikeleı iskerlik qatynastar salasynda jan-jaqty ekonomıkalyq damýdyń zor áýleti bar ekendigin kórsetti.
Marıa Anarbaeva, Eýrazıalyq İskerlik Odaqtyń ókili:
"Eýrazıalyq İskerlik Odaqqa bizdiń óndirýshilerimizdi tanyta otyryp, biz elderdiń naryqtaryn, ásirese Reseı naryǵyn zerttedik. Bizdiń kompanıalardyń álýeti boıynsha saraptama júrgizip, búkil qazaqstandyq daıyn ónim eksporttala alady, degen qorytyndyǵa keldik, ALAIDA oǵan qatysty jumys júrgizý kerek.
Bireýler marketıńisin jóndeýi kerek, endi birine rebrendıng qajet, keıbireýleriniń bul tustary oıdaǵydaı bolǵanmen, logıstıka, qoıma máselesi sheshimin tappaǵan. Tipti iri kompanıalardyń ózine bul máselelerdi sheshý úshin biraz búdjet kerek. Sol sebepti ár elde saýda úıin qurý kerek, ony biz ózimizdiń álýetti áriptesimiz retinde qarastyrmaqpyz, onymen saýdalyq qatynastar ornatýǵa daıynbyz. Bizdiń ónimge qatysty jumysty kásibı tulǵalar júrgizýge tıis, olar mentalıtetti, óz naryǵynda taǵam ónimderin ilgerletý múmkindikterin jáne suranysty biletin adamdar bolmaq.Reseıde biz komanda qurdyq, ol saýda jelilerimen jumys isteı alatyn, ónimdi jarnamalaı alatyn, ıaǵnı, ónim tıelgennen bastap debıtorlyq qaryzǵa deıin jaǵdaılardy baqylaýǵa alatyn top. «Qazaqstandy tanytý kerek!»
Bastysy, ónimdi eksporttaý úshin ıaǵnı syrtqy saýdaǵa shyǵý úshin Qazaqstannyń ishki naryǵy qamtamasyz etilýge tıis. Al óndirýshi ishki naryqta jelilermen jumysyn pisirip alǵan soń ǵana jańa bıiktikterge umtylýy qajet. Reseıliktermen salystyrǵanda ázirge kóptegen kompanıalar bizdiń jelilermen jumys isteýge daıyn emes.
Qazaqstandyq óndirýshilerdi qoldaý maqsatynda «Qazaqstandyq taýarlar men qyzmetter sapasyna baqylaý "Halyq markasy" federasıasy» "Miss Expo Made in Kazakhstan-2017" sulýlyq festıvaliniń bastalyp otyrǵandyǵyn jarıalaıdy.
Festıváldiń maqsaty men mindeti – jańa, jarqyn ıdeıalardy tabý, qazaqstandyq brendterdi ilgerletý jáne Qazaqstannyń týrısik múmkindikterin jarnalamaý.
Konkýrsqa Qazaqstannyń 84 qalasynan 14 pen 22 jas aralyǵyndaǵy qyzdar qatysa alady.
Konkýrsqa ótinishter 2017 jyldyń 15 sáýiri men 05 maýsymy aralyǵynda qabyldanady.
Konkýrsqa qatysýshylar óz qalasy týraly 1 mınýt kóleminde beıneprezantasıa ázirleýge tıis.
Sondaı-aq sol qalada shyǵarylatyn úsh taýar ne qyzmet jarnamalanady (kadrda qyz balanyń qatysýymen úsh sýret bolýǵa tıis ).
Konkýrs jeńimpazy saıtqa kirýshiler arasynda júrgiziletin ashyq túrde ınternet-daýys berý arqyly aıqyndalady.
Jeńimpaz Qazaqstan brendterin búkil álemge tanytatyn bolady.
Konkýrstyń resmı portaly: www.halykmarkasy.kz
Konkýrs materıaldarynyń ótinishteri halykmarkasy@gmail.com elektrondy pochtasyna jiberiledi.
Qosymsha aqparat alý úshin habarlasýyńyzǵa bolady: Rımma Tájibaeva, tel. 8 771 442 27 78
