Bul týraly Óńirlik komýnıkasıalar qyzmetinde ótken brıfıńte Órt salasyndaǵy baqylaý jáne profılaktıkalyq qyzmet basqarmasy bastyǵynyń orynbasary Maqsat Ákimbaev habarlady dep jazady "Qamshy" aqparattyq agenttigi.
Maqsat Áshirbaıulynyń sózine súıensek, «2017 jylǵy órt qaýipti maýsymynda oblys aýmaǵynda tabıǵı órtterdiń aldyn alý jáne joıý jónindegi is sharalar josparyn» bekitý týraly qaýly jobasy ázirlendi atalǵan qaýlyda orman jáne dala aýmaqtaryn órtten qorǵaýdyń tıisti deńgeıin qamtamasyz etý, sondaı-aq orman jáne dala órtterin joıýǵa oblystyq TJ departamentiniń, aýdan ákimderiniń, temir jol jáne avtokólik joldaryna qyzmet kórsetetin uıymdardyń, orman sharýashylyǵy men aýylsharýashylyq sýbektileriniń daıyndyq deńgeıin arttyrý jónindegi is-sharalar aıqyndaldy.
Orman qory jerinde 452 qurylǵan 57 órt sóndiretin top jáne 126 jeke quramy bar 14 memlekettik emes órtke qarsy qyzmet jasaqtary jáne 14 órt sóndirý stansıalary daıyndyqqa keltirildi. Órt sóndirý stansıalary arnaıy órt sóndirý avtomashınalarymen jáne qural-saımandarmen qamtamasyz etildi.
Orman sharýashylyǵy mekemelerin materıaldyq jabdyqtaý jaǵdaıyn jaqsartý maqsatynda 2017 jyly ÝAZ bazasyndaǵy 4 órt sóndirý tehnıkasyn satyp alý úshin oblys ákimdiginen 56 mln. teńge bólindi. Qazirgi tańda órtke qaýipti kezeńde paıdalaný úshin orman qory aýmaǵynda 57 avtotehnıka (ÝAZ-469, ÝAZ-Fermer, GAZ -53, Gaz-66), 14 órt sóndirý avtokóligi, 40 soqaly traktorlar, 3 tonnalyq tirkemeli 14 birlik ámbebap sısterna, 92 aspaly órt sóndirgish jáne 596 shyrtyldaq daıyndaldy, - dedi spıker.
Orman qoryna kiretin úlken jol boılarynda 36 órt baqylaý munaralary jáne 16 tekserý beketteri qoıylyp, orman qoryqshylarynyń kezekshiligi uıymdastyryldy jáne olar turaqty jáne jyljymaly 87 rasıamen qamtamasyz etildi (onyń ishinde: 28-stansıonarlyq, 28-avtomobıldik jáne 31-qolda ustaıtyn).
Aýyldyq mekenderde 2368 adamnan qurylǵan 171 erikti órt sóndirýshi qurylymdar uıymdastyryldy jáne olar órt sóndirýge arnalǵan 303 dana tirkemeli traktorlar, 34 sý tasyǵysh tehnıkamen jáne 228 beıimdelgen tehnıkamen, 24 órt motopompasymen jabdyqtaldy. Órt sóndirýge qajetti 78 aspaly órt sóndirgish jáne 2753 dana qol asty órt sóndirgish quraldary daıyndaldy.
Sonymen birge, ótken jyly erikti órtke qarsy qurylymdardy jaýyngerlik kıimmen jabdyqtaý úshin Baızaq aýdanynda 756 myń teńge, T.Rysqulov aýdanynda 2 mln. 400 teńge, Merki aýdanynda 2 mln. 800 myń, Sarysý aýdanynda 1 mln. teńge, Shý aýdanynda 1 mln. 245 myń teńge bólindi, - dep habarlady Maqsat Ákimbaev
Qordaı aýdany Sortóbe aýylynda 20 km. radıýsta 47 myńnan astam halqy bar 8 eldi mekenniń órtke qarsy qorǵynyspen qamtamasyz etetin órt posty quryldy, ony ustaý úshin 2016 jyly 2 mln. 640 myń teńge, al 2017 jylǵa 2 mln. 690 myń teńge bólindi.
«Oblys aýmaǵynda ormandy jáne dalalyq órtterdi, sondaı-aq shalǵaı eldi mekenderdegi órtterdi sóndirý kezindegi qarym-qatynas jasaý» josparǵa sáıkes Qorǵanys mınıstrliginiń kúshteri men quraldaryn jumyldyrý tártibi qarastyrylyp, «Ońtústik» Óńirlik qolbasshylyǵynan tabıǵı jáne tehnogendi sıpattaǵy tótenshe jaǵdaılarǵa baılanysty bólinetin kúshter men quraldar quramy anyqtaldy.
Jol qyzmetteriniń jumys josparlaryna sáıkes oblys aýmaǵyndaǵy 1056 shaqyrymdy quraıtyn respýblıkalyq joldyń 469 shaqyrym uzyndyqta, 2258 shaqyrym qashyqtyqtaǵy oblystyq máni bar joldyń 582 shaqyrym uzyndyǵynda jáne temir jol boıynda 840 shaqyrym uzyndyqta ekpe aǵashtary boıynda eni 4 metrden kem emes órtke qarsy jyrtý jumysy josparlandy, - dep sózin qorytyndylady Maqsat Áshirbaıuly.
