Qazaq kıno maıtalmandary prezıdenttiń tapsyrmasyn oryndap, "Súleıman sultan" syndy fılmdi túsirýge daıyn. Bul týraly Nur.kz jańalyqtary jazdy. Kınosúıer kórermendi jappaı ekran aldyna telmirtken túriktiń "Súleımen sultanyn" Prezıdenttiń ózi súısine kórgenin aıtqan bolatyn. Ári Ol Qazaqstanda da osyndaı kıno túsirilýi tıis degen.  Osman ımperıasynyń tarıhy sýrettelgen tele hıkaıanyń ár serıasy baqandaı 5 myń eýroǵa satyp alynǵan. Endi bundaı kınony "Qazaqfılm"  túsirmekshi.

Halyq ártisi Asanáli Áshimov: "Nazarbaevtyń sózi aıtyldy, endi oryndaýymyz kerek. Tarıh qoı, tarıhty kóterińder dep jatyr, onysy durys qoı. Kóteremiz aqsha berse! Aqsha ol kisiden, tvorchestvo bizden", - deıdi.  Al "Qazaqfılm" kınostýdıasynyń basshysy Ermek Amanshaev, árqaısysy 20 bólimnen turatyn 3 maýsymdyq serıaldy túsirý josparda ekendigin jetkizdi.

Dáýirlik lenta Saq zamanynan bastalyp, keıingi kezge deıingi ýaqytty qamtymaq. Sonymen qatar, tarıhı tanymdyq 5-6 tolyq formattaǵy kórkem fılm túsirý de kózdelip otyrǵan kórinedi. Bul – «qazaqtarda» memleket bolmaǵan degen Pýtın sózine ádemi jaýap bolary sózsiz.   Osylaısha, keler jyly toılanatyn Qazaq handyǵynyń 555 jyldyǵyna qarsy qazaq kórermeni birneshe jańa tarıhı týyndyǵa qaryq bolmaq.

Qamshy-aqparat