«Vashıngton, London jáne Parıj qalalary usynǵan Sırıa boıynsha BUU Qaýipsizdik Keńesinde qabyldanatyn qarar jobasyna daýys berý kezinde Qytaıdyń qalys qalyp qoıǵany – AQSH prezıdenti Donald Tramptyń eń úlken jeńisi», - dep málimdedi Aq úıdiń resmı ókili Shon Spaıser, dep habarlaıdy Rıa Novostı basylymy. Málimettiń qazaqsha nusqasyn Qamshy aqparattyq agenttigi oqyrmen nazaryna usynady.

Ótken sársenbide Sırıadaǵy Idlıb aımaǵyna jasalǵan hımıalyq shabýyl úshin jaýaptylar jasaǵan qaýlynyń jobasyna daýys berý kezinde Qytaı ne ıa, ne joq demeı, qalys qalyp qoıǵan bolatyn.

«Pekınnen qoldaý tabý – osy eldiń jáne prezıdenttiń eń úlken dıplomatıalyq jeńisi», - dep málimdegen bolatyn Shon Spaıser.

Aq úıdiń baspasóz hatshysynyń habarlaýynsha, Donald Tramp QHR tóraǵasy Sı Szınpınmen Florıda shtatynda kezdesý ótkizgen. Bul kezdesýdiń nátıjesinde, eki al arasyndaǵy qarym-qatynasty qalyptastyryp, yntymaqtastyǵy arta túsken.

Reseıdiń atalmysh jobany buǵattaý jaıyndaǵy sheshimine qatysty Spaıser óte senimdi túrde «Sırıaǵa qatysty máselelerdiń barlyǵynan Reseı shettetilgen» dep málimdedi. Onyń aıtýynsha, «Sırıany qoldaýshy usaq memleketter bar, alaıda Reseıdi qospaǵanda, ol elderdiń barlyǵy – utylǵan elder bolyp tabylady».