Túmen oblysynda polıseı qyzmetkerine kúsh kórsetken qylmyskerdiń ústinen is qozǵaldy,dep habarlaıdy Qamshy aqparattyq agenttigi.

Argýmenty ı fakty portalynyń habarlaýynsha, 55 jastaǵy qazaqstandyq áıel ákimshilik quqyqty buzǵany úshin Qazan aýdanyna qarasty Reseı İİM bólimshesine jetkizildi. Oqıǵa 2017 jyldyń 10 sáýirinde bolǵan.

Tyıym salynǵan dúnıelerdiń bar-joǵyn tekserý barysynda kúdikti áıel Reseı İİM tergeýshisine kúsh qoldanyp, bılik ókiliniń betin judyryǵmen birneshe márte soqqan.

RF Qylmystyq Kodeksi 318-babynyń 1-tarmaǵy boıynsha qazaqstandyq áıelge 200 myń rúbl kóleminde aıyppul nemese 5 jylǵa deıin májbúli eńbek jazasy, ne bolmasa 5 jylǵa bas bostandyǵynan aıyrý jóninde úkim shyǵarylýy múmkin.

İske qatysty tergeý jumystary áli de jalǵasyp jatyr.