15 sáýirde Qazaqstan ýaqyty boıynsha saǵat 22.00 «Habar» telearnasy Qytaıda ótip jatqan «Singer» baıqaýynyń fınalyn kórsetedi dep habarlaıdy "Qamshy" aqparattyq agenttigi.
Qazaqstanda joba «Men ánshimin» degen ataýmen «Habar» telearnasynda kórsetiledi. Baıqaýǵa belgili qazaqstandyq ánshi Dımash Qudaıbergen qatysady, ol jeke bir án, dýetpen bir án oryndaıdy.
Fınal televızıalyq translásıamen qatar Almatydaǵy «Mega Alma-Ata» SOSO men Astanadaǵy «Mega Silk Way» SOSO úlken ekrandarynda kórsetiletin bolady.
14 sáýirde, fınal kórsetiliminen bir kún buryn, «Habar» Dımashtyń ómiri týraly túsirgen derekti fılmin 21:30-da kórsetedi. Fılmde óner ıesiniń týǵan-týysqandary, dostary men kýrstastary Dımash týraly óz pikirlerimen jáne onyń ómiriniń belgisiz faktilerimen bólisedi.
«Singer» jobasy - áıgili halyqaralyq mýzykalyq baıqaý, 2013 jyly Qytaıda iske qosylǵan «I Am a Singer» koreı shoýynyń franshızasy.
