Krıshtıaný Ronaldý ózine Der Spiegel jýrnalynyń «qyz zorlady» dep taqqan aıybyn joqqa shyǵardy, dep habarlaıdy Qamshy aqparattyq agenttigi.

Nemistiń Der Spiegel jýrnaly fýtbolıst 2010 jyly «qyz zorlaǵan» jáne osy isin aqshamen japqan dep aıyptaǵan bolatyn. Óz kezeginde Ronaldý agenti Jorje Mendeshtiń resmı saıtynda bul aıypqa jaýap berdi.

Sportshy bul aqparatty «jýrnalısik fantazıanyń kórinisi» dep atady. Óziniń aıyp taǵyp otyrǵan qyzdy tanymaıtynyn, aqparat bergen advokattardyń ózine qatysy joqtyǵyn jáne dáıek retinde jarıalanǵan hatty kórmegendigin málimdedi. Sonymen qosa, «jábirlenýshi» qyzdyń óz atyn jarıalamaǵandyǵy men bul aıypty rastaýdan bas tartyp otyrǵandyǵyn óz sóziniń durystyǵyna dálel retinde keltirdi.

Basylymnyń habarlaýynsha bul oqıǵa 2009 jyldyń 13 maýsym kúni bolǵan. Portýgaldyq shabýylshy otbasymen Las-Vegasqa demalýǵa barǵan. Ronaldý «zorlaǵan» qyz 20 jasar Amerıka azamaty. Bul isti jabý úshin 2010 jyldyń 12 qańtarynda sportshynyń advokaty qyzǵa 375 myń AQSH dollaryn tabystaǵan.