14 sáýirde Parlament Senaty Ekonomıkalyq saıasat, ınovasıalyq damý jáne kásipkerlik komıteti «100 naqty qadam» Ult jospary aıasynda «Azamattarǵa arnalǵan Úkimet» memlekettik korporasıasynyń nysandaryn aralap, kóshpeli otyrys ótkizdi dep habarlaıdy Qamshy aqparattyq agenttigi parlam.kz-ke silteme jasaı otyryp.
Senatorlar birinshi kezekte Aqmola oblysy boıynsha Selınograd aýdandyq Halyqqa qyzmet kórsetý departamentiniń №1 aýdandyq bóliminde boldy. Odan keıin Astana qalasyndaǵy jer kadastry jáne jyljymaıtyn múlikterdi tehnıkalyq tekserý departamentiniń dırektory E.Tashpenbetov osy mekemeniń jumysymen depýtattardy tanystyrdy. Senat depýtattary Astana qalalyq «Áleýmettik tólemderdi vedomstvoaralyq esepteý ortalyǵy» dıreksıasynyń qarsy jáne bek-keńselerinde boldy. Onyń jumysymen osy dıreksıanyń dırektory B.Júnisov habardar etti.
Kóshpeli otyrys kezinde Senattyń Ekonomıkalyq saıasat, ınovasıalyq damý jáne kásipkerlik komıtetiniń tóraǵasy A.Beısenbaev esep beretin Úkimetti qalyptastyrý aıasynda «bir tereze» qaǵıdasy boıynsha jeke jáne zańdy tulǵalarǵa memlekettik qyzmet kórsetýler salasyndaǵ y«Azamattarǵa arnalǵan Úkimet» korporasıasy qyzmetiniń mańyzy zor ekenin atap ótti. Shara barysynda aqparat jáne komýnıkasıalar mınıstri D.Abaev, ulttyq ekonomıka mınıstriniń orynbasary A.Jumaǵulov jáne «Azamattarǵa arnalǵan Úkimet» komersıalyq emes aksıonerlik qoǵamy basqarmasynyń tóraǵasy A.Ospanov uıymnyń keleshegi men ózekti máseleleri týraly baıandama jasady. Senat komıtetiniń tóraǵasy A.Beısenbaev otyrysty qorytyndylady. Ol korporasıa qyzmetiniń tıimdi jaqtaryn atap ótip, túrli anyqtamalar men qujattar alý baǵytynda ákimshilik kedergiler men merzimin qysqartýǵa qatysty birqatar usynystar aıtty. «Memleket qoǵam úshin ashyq bolýy jáne ortalyq memlekettik organdardyń statısıka derekterine onlaın alý, elimizdiń árbir azamatynyń biryńǵaı qarjy esebine, memlekettik saıasattyń tıimdiligin baǵalaý nátıjelerine qol jetkizý úshin damı berý kerek», - dedi A.Beısenbaev.
Senator sondaı-aq Memleket basshysy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń mańyzdy máselelerine toqtaldy. Onda bul qujattyń Qazaqstan Prezıdentiniń reformalarynyń zańdy jalǵasy ekeni aıtyldy. A.Beısenbaev Memleket basshysynyń «Bolashaqta ulttyń tabysty bolýy onyń tabıǵı baılyǵymen emes, adamdarynyń básekelik qabiletimen aıqyndalady», - degen dáıeksóziniń mańyzyna nazar aýdardy.
