Almaty oblysynda bútindeı bir aýyldyń maly jappaı aýrýǵa shaldyǵyp jatyr. Aram ólgen maldyń sany qazirdiń ózinde onǵa jýyqtap qaldy. Biraq sebebin eshkim bilmeıdi. İri qaraǵa jabysqan derttiń aty belgisiz áli. Aýyl jurtty bolsa, adamǵa juǵa ma dep qaýiptenip otyr, dep habarlaıdy Qamshy aqparattyq agenttigi www.31.kz ǵa silteme jasaı otyra.
4 kúnniń ishinde 15 myń teńge ketti. Al qalǵan qarajatty qaıdan tabamyz. Vedtehnıktar búgin ǵana keldi. Ózderi mynany kórip, jıirkenip, ketip qaldy. Tipti bolmasa myna maldy óltirip, kómińizder.
Eskeldi aýdanyna qarasty Órqýsaq aýylynyń turǵyndarynan maza qashqan. Óıtkeni qoradaǵy iri qara maldyń aýzynan kóbik aǵyp, túsiniksiz dertke shaldyǵypty. Tipti birneshe mal ornynan tura almaı, ólip qalǵany qupıa indettiń qaýipti ekenin bildirýi múmkin dep halyq úreıli.
Órqýsaq aýylynyń turǵyny: "Aýyrǵan kezde sileıip turyp qalady. Odan aýzynan bolar - bolmas silekeı aǵady. Tildiń qabyqtary túsip qaldy. Tańdaıy ol túsip jatyr. Shynymdy aıtsam men qorqamyn. Mynaý juqpaly aýrý bolady ma dep".
Sátaı Jańylsynnyń osymen ekinshi maly ólipti. Malyna indet bolyp kelgen dert «Aýsyl» bolýy múmkin dep jobalaıdy ózi. Bul pikirmen júzden astam maly qorada aýyryp jatqan ózge de aýyl turǵyndary kelisedi.
Órqýsaqtyqtar jıyrma kúnnen beri qupıa jaǵdaıda qyrylyp jatqan maldaryn aman alyp qalýǵa barymyzdy salyp jatyrmyz deıdi. Alaıda shaǵyn ǵana aýylǵa kelgen derttiń neden shyqqanyn mamandar áli anyqtaı almaı jatyr eken.
Eskeldi aýdandyq veterınarıa bóliminiń basshysy bul týraly bylaı deıdi:
"Kezekten tys sıaqty aýrý kelip tur. Buny endi anyqtap jatyrmyz. Bıoproba deıdi ǵoı, zethanaǵa jetkizip, anyqtalyp jatyr".
