Búgin Muhtar Qul-Muhammed «Nur Otan» partıasynyń oblystyq fılıaldary jáne departament basshylarymen keńeıtilgen otyrys ótkizdi. Ol Qazaqstandaǵy jetekshi saıası birlestiktiń 2017 jylǵa arnalǵan jumystarynyń basym baǵyttaryna arnaldy.
Kezdesý barysynda kóktemgi sý tasqynynan zardap shekken óńirlerdegi ahýal da nazardan tys qalǵan joq. Oblystyq fılıaldardyń basshylary partıa Tóraǵasynyń Birinshi orynbasaryna kún jylyna bastaǵan eldi mekenderdiń shynaıy ahýaly týraly baıandady.
Muhtar Qul-Muhammed partıanyń barlyq fılıaldaryna tabıǵı apattyń saldarynan paıda bolǵan máselelerdi sheshýge belsene atsalysýdy tapsyrdy.
«Sý tasqynynan zardap shekkenderge qol ushyn sozý – bizdiń azamattyq abzal boryshymyz. Sondyqtan jergilikti jerlerde osy baǵyttaǵy jumysty jedel ári júıeli uıymdastyrýymyz kerek», – dedi «Nur Otan» partıasy Tóraǵasynyń Birinshi orynbasary.
