16 sáýirde Aqmola oblysynyń Atbasar kentine Apattar medısınasy ortalyǵynyń 3 shuǵyl áreket etý brıgadasy jumyldyryldy. Sonymen qatar zardap shekken turǵyndarǵa shuǵyl psıhologıalyq kómek kórsetý maqsatynda 2 psıholog mamandary jóneltildi dep habarlaıdy Qamshy AA QR İİM TJK Apattar medısınasy ortalyǵyna silteme jasap.
Bir táýliktik esep boıynsha barlyǵy 12 turǵynǵa medısınalyq kómek kórsetildi, olardyń qatarynda emdeý mekemelerine jetkizilgender sany 2 adamdy qurady. Jergilikti turǵyndar qan qysymynyń kóterilýi men júıke aýrýlarynyń qozýyna shaǵymdanady.
Zardap shekkenderge shuǵyl psıhologıalyq kómek pen der ýaqytta habar berýi úshin «qaýyrt jeli» telefony qurylyp, barlyǵy 53 qońyraý qabyldandy.
Apattar medısınasy qyzmetkerleri Ortalyq óńirlik aeroutqyr jedel-qutqarý jasaǵymen birge 50 aýlany aralap shyqty. Dárigerler kómekke júginip kelgen adamdarǵa qyzmet kórsetýdi jalǵastyrýda. Joǵary bilikti mamandardan qurylǵan shuǵyl medısınalyq brıgadalar qajetti dári-dármekpen, medısınalyq buıymdarmen qamtylǵan.
