«Áziret Sultan» memlekettik tarıhı-mádenı qoryq-mýzeıi májilis zalynda Qazaqstan Respýblıkasynyń Prezıdenti Nursultan Ábishuly Nazarbaevtyń «Bolashaqqa baǵdar: rýhanı jańǵyrý» atty maqalasyn talqylaýǵa arnalǵan jıyn ótti. Jınalysqa «Áziret Sultan» qoryq-mýzeıiniń tolyq quramdy qyzmetkerleri qatysty dep habarlaıdy Qamshy AA «Áziret Sultan» qoryq-mýzeıiniń baspasóz qyzmetine silteme jasaı otyryp.

Atalǵan jıyn barysynda qoryq-mýzeıdiń ǵylymı qyzmetkeri B.Baıbolov «Bolashaqqa baǵdar: rýhanı jańǵyrý» atty maqalaǵa baılanysty baıandama oqydy. Elbasy maqalasyna jan-jaqty toqtalyp atqarylyp jatqan «Qazaqstannyń kıeli jerleriniń, geografıasy» jobasy elimizdi tanytýǵa tyń serpilis beretinin, sonyń arqasynda Uly Dala eliniń ulan-ǵaıyr atyrabynda ornalasqan Túrkistan, Ulytaý, Mańǵystaý, Jetisý, Altaı syndy kıeli oryndardyń qaıta túleýine zor múmkindik beretinin atap ótti. 

Sondaı-aq, jıyn barysynda maqalada kórsetilgen «Ulttyq sana», «Týǵan jer» baǵdarlamasy, «Qazaq tilindegi 100 jańa oqýlyq», «Mádenı-geografıalyq beldeý», «100 jańa esim» jáne ózge de máseleler keń kólemde talqylanyp, qoryq-mýzeı qyzmetkerleri tarapynan bir aýyzdan qoldaýǵa ıe boldy.

D.Qojamuratov