Peterbor metrosyndaǵy jarylysty uıymdastyrýǵa qatysy bar dep tutqyndalǵan Abror Azımov óziniń bul iske qatysy joq ekenin málimdedi. Azımovtyń málimdemesi óziniń qorǵaýshysynyń sózine sáıkes kelmeıdi. Kúdiktiniń qorǵaýshysy sot aldyndaǵy tilshilerge bergen suhbatynda óziniń qorǵalýshysynyń kinásin moıyndaıtynyn jetkizgen bolatyn.

Azımov sotta: «Meniń bul iske tikeleı qatysym joq. Men ózimniń qalaı kómekteskenimdi baıqamadym», - dedi.

 Vagonǵa jarylǵysh zat alyp kirgen jankeshti Akbarjon Djalılovtiń daıyndyǵyna kómektesken degen kúdikpen Abror Azımov 17-sáýir kúni tutqyndalǵan bolatyn. Azımov 1990 jyly Qyrǵyzstanda dúnıege kelgen, qazirgi sátte Reseı azamaty. Kúdikti óz bilimi jaıly jeti synyp bitirgenin aıtty.

Aıta ketetini, qazirgi sátte Peterbor metrosyndaǵy lańkestik áreketke qatysy bar dep tanylǵan 8 kúdiktiniń barlyǵy qolǵa tústi.