Qamshynyń hat qorjynyna ońtústikten erekshe hat kelip tústi. Balalarǵa batyrlar jyryp jattatqyzyp, muǵalimderine mashına mingizbek shyraıly óńirge biz rızamyz. Oqyrman nazaryna Ómirzaq Aqjigittiń baıqaý ıdeıasy qalaı paıda bolǵany týraly qysqasha túsindirmesin usynamyz. Odan keıingisi baıqaý uıymdastyrýshysynyń konkýrs sharttarynyń erejesin túsindirgen jazbasy.
"Ońtústik Qazaqstan" gazetiniń bas redaktory Abaı Balajan osydan eki-úsh aı buryn "gazetimiz mektep balalary arasynda qazaqtyń batyrlar jyryn jatqa aıtýdan jarys ótkizýge muryndyq bolsa eken" degen ıdeıa tastap edi. Biraq, ol másele qaptaǵan kúndelikti kóp tirlik tasasynan qaıtyp kóterile qoımaǵan bolatyn.Sóıtsek, biz umytqanmen Ábekeń umytpapty, ulttyń rýhy kóterilýi úshin óte ómirsheń, tolǵaǵy ábden pisip-jetilgen bul ıdeıasyn oblystyq oqý basqarmasyn aparyp usynypty, olar "ýralap" qarsy alypty.
Shirkin-aı, balalyq shaǵym qaıta oralar ma edi dep men otyrmyn. Óıtkeni, 4-klasqa kóshkende aýyldyń kempir-shalyna oqı-oqı "Qobylandy", "Alpamys", "Er Tarǵyn", "Qyz Jibek" qıssalaryn jatqa soǵatyn edim. "Qambar batyrdy" da oqıtynmyn, biraq, onda analardaı qyrǵyn soǵys az bolatyn, sondyqtan onsha qyzyqpaıtynmyn.
Endi bizdiń gazet júldesi úshin jarysty naq sol - eń kólemi az ekendigin eskerip -"Qambar batyrdan" bastamaqpyz. Ári Qambar batyr jerlesimiz, kúngeılik, jyrda
"Jarysty endigi jyldan bastap, Qudaı qalasa, respýblıka kóleminde ótkizetin bolamyz. "Alpamys, Qobylandy, Er Tarǵyn, Er Saıyn, Er Kókshelerdi de qosamyz. Múmkin, ol kezde jas talaptyń ózine de temir tulpar mingizip qalarmyz" deıdi Ábekeń.Qalaı bolǵanda da "Bastady Abaı bir isti, Alla ońǵarsyn bul isti!" deımiz. Dep qana qoımaımyz, búkil redaksıa bolyp baıqaýǵa at salysamyz.Ol bizdiń gazettiń brendine aınalatyn bolady!
Jas jetkinshekter, alǵa! "Ustazyna mashına mingizgen alǵashqy oqýshy" atanyp tarıhqa kiresińder.
Al, bizge "Begim-Aıdyń" izimen "men mektepte júrgen kezde nege ótpediń?..." deý ǵana qalady...
(tómende baıqaý sharttary berilip otyr)
«Ońtústik Qazaqstan» gazeti redaksıasynyń ujymy bir ıgilikti is-sharany qolǵa alǵaly otyr. Atap aıtqanda, bıylǵy oqý jylynyń sońǵy kúnderiniń birinde aýdan-aýdandarda «Jaqsylar, dastan aıtaıyn!» atty batyrlar jyry baıqaýyn ótkizýdi nıet etip otyrmyz.
Bul – búgingi urpaq umyt qaldyrǵan batyrlar jyryn nasıhattaý ǵana emes, jasóspirimderdiń ádebıetke degen qyzyǵýshylyǵyn oıatý. Sondaı-aq, mektep muǵalimderiniń, onyń ishinde qazaq tili men ádebıeti páni muǵaliminiń bedelin kóterý bolyp tabylady.
Baıqaýǵa 5-10 synyp aralyǵyndaǵy oqýshylar qatysady. Óz aýdandary men qalalarynda alǵashqy úsh oryndy jeńip alǵan oqýshylar oblystyq baıqaýǵa joldama alady. Oblystyq baıqaýda jeńimpaz atanǵan oqýshyny daıyndaǵan muǵalimge «temir tulpardyń» kilti tabys etiledi. Basqa da júldegerler syı-sıapatsyz qalmaıdy.
Bıylǵy taqyryp – «Qambar batyr» jyry.
Baıqaýdyń erejeleri men sharttary «Qamshyda» jáne gazet betinde qosymsha jarıalanady.
Al, ázirge sizder «Qambar batyr» jyryn jattaı berińizder. Anyqtama alý úshin bas redaktordyń orynbasary Gúljamal Musaevaǵa 8-775-609-23-63 telefonyna habarlasýlaryńyzǵa bolady.
«Ońtústik Qazaqstan» gazeti redaksıasynyń ujymy.
