15 jylǵa jýyq kórermenniń kózaıymyna aınalǵan, túriktiń fenomen telehıkaıasy jalǵasyn tabady dep habarlaıdy Qamshy AA

Ańyzǵa aınalǵan «Kókjaldar mekeni»  byltyrǵy jyly «Kókjaldar mekeni Tuzaq» nusqasyn 300 bólimmen aıaqtaǵannan keıin kórermenge jalǵasyn jańa maýsymda kóp kúttirgen edi. 2016 jyldyń jazynda Túrkıada tóńkeris bolǵan soń «Kókjaldar mekeni Tóńkeris» atty jańa fılm túsiriletini habarlanǵan. Keıinnen «Kókjaldar mekeni» hıkaıasynyń menshik ıesi Pana Film ózin «túrik bıligine qarsy» etip kórsetkisi kelgen birneshe qaralaýshylarmen sottasyp, jeńip shyqqan.

Pana Film-niń habaryn turaqty jarıalaıtyn yazete.com saıty «Kókjaldar mekeni Otan» fılmi túsiriletinin habarlady. Polat Alemdardyń rólin somdaýshy ári Pana Film-kompanıasynyń basshysy Nedjatı Shashmaz kórermenderin tańǵaldyrýǵa daıyndalyp jatyr.

Aıta ketsek,  Polat Alemdardyń buǵan deıin «Kókjaldar mekeni Palestın», «Kókjaldar mekeni Irak» atty fılmderi Túrkıada aıtarlyqtaı saıası ańys týǵyzǵan. Al, «Kókjaldar mekeni Terror» atty túrik-kúrt máselesin kórsetýge baǵyttalǵan telehıkaıa tek bir bólimi kórsetilgennen keıin Túrkıanyń Radıo-televızıa joǵarǵy komıteti (RTÜK) tarapynan tyıym salynǵan edi. Sondaı-aq, buǵan deıin habarlanǵan «Kókjaldar mekeni Kıpr» fılmi de áli kórermenimen qaýyshqan joq.