Birinshi orta salmaqtaǵy WBO Intercontinental jáne WBA Fedelatin belbeýleriniń ıegeri qazaqstandyq boksshy Qanat Islam alǵa qoıǵan maqsattary men judyryqtasqysy keletin qarsylastardyń esimin atady, - dep habarlaıdy Qamshy AA  Vesti.kz-ke silteme jasap.

"Men tek myqty boksshylarmen judyryqtasqym keledi. Kez kelgen chempıonmen kezdesýge daıynmyn. Bokspen aınalysqanyma 25 jyl boldy. Olımpıada oıyndaryna eki ret qatystym, qola medal alyp, áýesqoı deńgeıdegi álem chempıonatyna da qatystym. Biraq endi men jas boksshy emespin. Álem chempıony tıtýly úshin kúresýge daıyn bolý úshin kásipqoı bokstaǵy bes jyl jetkilikti boldy", - dedi Qanat Islam Worldboxingnews.net basylymyna bergen suhbatynda.

Boksshynyń aıtýynsha, ol qazir alǵa qoıǵan maqsattaryna jetý úshin bar kúshin salyp jatyr."Men Kanelony, Kottony, Larýdy nemese Pakáony tize búktirgim keledi. Bul meniń armanym emes, maqsatym. Bul týraly bokstyń barlyq jankúıeri aıtatyn bolady. Men osy boksshylardyń barlyǵyn qurmetteımin. Sebebi álem boıynsha myńdaǵan boksshynyń ishinde chempıon ataný ońaı emes. Men óz eliniń bedeli úshin jumys isteıtin adamdardy qurmetteımin. Al jankúıerlerime aıtatynym: sizderdi kóp kúttirtpeımin, jaqynda meniń álem chempıony tıtýlyna talasqan jekpe-jekte kóresizder. Men sizderdi jerge qaratpaımyn", - dedi Qanat Islam.

Osyǵan deıin qazaqstandyq boksshy osyǵan deıin kelesi jekpe-jegin AQSH-ta mamyr aıynda ótkizetinin aıtqan edi.