Almatyda 20 sáýir kúni tańǵy saǵat tórtte adamdy óz kóliginen kúshpen túsirip, urlap áketken, dep habarlaıdy Qamshy aqparattyq agenttigi.

Alataý aýdanynda 1987 jylǵy kásipker Alıev Samırdi urlap áketken. Týystarynyń aıtýynsha ol jumystan Mercedes-Benz G-klasty kóligimen qaıtyp kele jatqan. Kýágerdiń sózderine súıensek,  qyzyl Subaru Outback pen aq tústi VAZ 2114 kólikteri Mercedes kóliginiń kes-kestep, Samırdi kúshpen kóliginen túsirip áketken.

Joǵalǵan jigittiń aǵasy: «Ol jolda ákeme habarlasyp, qaqpany ashsyn dep aıtqan. Biraq úıge jetpegen. Ákem ýaıymdaǵan soń, kafege habarlasyp, kólik júrgizýshisiniń nómirin alyp, soǵan habarlasyp, jaǵdaıdy bilgen», - deıdi Zakon.kz agenttigine bergen suhbatynda.

Samır Alıevtiń týystary halyqqa osy jaǵdaı týraly kórgen, bilgenderi bolsa, habarlaýyn ótinýde.

Almaty qalasynyń İİD bul jaǵdaı týraly málimdeme jasady. «Búgin Alataý aýdanynda azamat Samır Alıevtiń joǵalýy faktisi boıynsha is qozǵaldy. İzdestirý jumystary bastaldy».