Otandyq kıno  taǵy bir (tól) týyndymen tolyqty. 20 sáýir kúni «Súıe bilseń» atty teleserıal «Qazaqstan» Ulttyq telarnasynan óz kórsetilimin bastady. Teleserıaldyń prodúserleri Rınat Safarov jáne Asqar Uzabaev, al rejıseri Ernar Nurǵalıev.

Kınonyń alǵashqy bóliminen-aq sportqa degen mahabbat, jeńiske degen umtylys baıqalady. Óz baqytyn izdegen jastardyń túrli áreketteri sýretteledi.  Mansap pen mahabbattyń ortasynda qalǵan jas fýtbolshy Damırdiń rólin daryndy akter Jandos Aıbasov, al sportshy qyz Dınaranyń rólin - «Qazaq arýy-2015» Gúlnaz Jolanova somdaıdy. Sondaı-aq, Kámshat Joldybaeva, Qýanysh Kerimqulov basty rólderde oınaıdy.

Teleserıal bolashaǵynan kóp úmit kúttiretin jas fýtbolshy jaıynda. Damır myqty  fýtbolshy bolýdy armandaıdy. Dınara Damır úshin sporttan da bas tartýǵa ázir. Al Damır bolsa Dınara úshin óziniń sport jolyndaǵy mansabyn qurban etkisi kelmeıdi. Damır Ispanıaǵa jol júrmek bolady. Biraq Damır men Dınara jol apatyna ushyraıdy. Dárigerler Damırge fýtbolmen aınalysýǵa bolmaıtynyn aıtady. Bul qaıǵyly jaǵdaıdyń oryn alýyna ol óziniń burynǵy júrip júrgen qyzy Dınarany kinálaıdy.

Damır óz ómirin fýtbolsyz esh elestete almaıdy, kóńil-kúıi qulazyp úlken kúızeliske túsedi. Ol kúsh-jigerin jınap, burynǵy qalpyna túskisi keledi. Al Damır sportqa qaıta oralady  ma? Ol jaǵy kórermen qaýymǵa ázirge belgisiz.

Serıal  21:45-te dúısenbi-juma aralyǵynda kórsetiledi.

«Qazaqstan» Ulttyq telearnasynan «Súıe bilseń...» telehıkaıasyn jiberip almańyzdar!

Qamshyger: Aıkerim Taýbaı