Qorqyt Ata atyndaǵy Qyzylorda memlekettik ýnıversıtetinde jýrnalısıka mamandyǵy boıynsha İH pándik olımpıadanyń ashylý saltanaty ótti dep habarlaıdy Qamshy aqparattyq agenttigi.

Shara oqý-tárbıe jumystary jónindegi prorektor B.J. Ábdikárimov sózimen bastaldy. İzinshe,  ýnıversıtettiń ónerli jastary konserttik baǵdarlama usynyp, kelgen qonaqtarǵa tamasha kóńil-kúı syılady. Kesh aıasynda dúbirli dodaǵa respýblıkanyń ár túpkirindegi 13 JOO kelgen toptar tanystyryldy. Atap aıtatyn bolsaq, L. N. Gýmılev atyndaǵy EUÝ, Ál-Farabı atyndaǵy QazUÝ,  E.A. Bóketov atyndaǵy QarMÝ,  S.Toraıǵyrov atyndaǵy PMÝ, Abylaı han atyndaǵy Qazaq Halyqaralyq qatynastar jáne álem tilderi ýnıversıteti,  Iassaýı atyndaǵy Halyqaralyq qazaq-túrik ýnıversıteti, Súleıman Demırel atyndaǵy ýnıversıtet jáne t.b. bar.

Komandalardy baǵalaýǵa jýrnalısıka salasynyń maıtalmandary jınaldy. Qorqyt Ata atyndaǵy QMÝ prorektory A.T. Júnisov bastaǵan qazylar alqasynyń quramynda qazaq tili men ádebıeti jáne jýrnalısıka kafedrasynyń meńgerýshisi Ǵ. Á. Tuıaqbaev, respýblıkalyq «Egemen Qazaqstan» gazetiniń Qyzylorda oblysyndaǵy menshikti tilshisi E.A. Baıtiles, «Habar» agenttigi telearnasynyń Qyzylorda oblysyndaǵy menshikti tilshisi N. J. Jaqypbekov, Qyzylorda oblysy ákiminiń baspasóz hatshysy B.Sh. Shamshat, Iassaýı atyndaǵy Halyqaralyq qazaq-túrik ýnıversıteti, qazaq fılologıasy jáne jýrnalısıka kafedrasynyń dosenti B.K. Serdáli, Qazaq tili men ádebıeti jáne jýrnalısıka kafedrasynyń dosenti Z.N. Ermaǵanbetova, Qazaq tili men ádebıeti jáne jýrnalısıka kafedrasynyń dosenti G.Sh. Áshirbekova  bar.

Olımpıadanyń bıylǵy ereksheligi 9 jyldan keıin birinshi ret olımpıadany ótkizý estafetasyn utyp alǵan Qorqyt ata atyndaǵy QMÝ uıymdastyrýy.