Túpqaraǵan aýdanyna qarasty Fort-SHevchenko qalalyq jaǵajaıynan, sý jaǵasyna shyǵyp qalǵan 245-ke jýyq ıtbalyqtardyń ólekseleri tabyldy dep habarlaıdy Qamshy aqparattyq agenttigi QR ASHM Baspasóz qyzmetine silteme jasap.
Osyǵan baılanysty QR ASHM OSHJDK Mańǵystaý oblystyq orman sharýshylyǵy jáne janýarlar dúnıesi aýmaqtyq ınspeksıasynyń, QR EM Ekologıalyq retteý jáne baqylaý komıtetiniń Mańǵystaý oblysy boıynsha ekologıa departamentiniń, Túpqaraǵan aýdanynyń veterınarıa qyzmetiniń jáne Mańǵystaý oblysy tótenshe jaǵdaılar departamentiniń ókilderinen quralǵan operatıvti top oqıǵanyń oryn alý sebebin anyqtaýda. Teńiz janýarlary ólgen jerdiń sýy men topyraǵynan synamalar alynyp, arnaıy zerthanada tekserip jatyr.
Sonymen qatar, Kaspıı ıtbalyǵynyń sandyq dınamıkasyn zerttep, onyń popýlásıasyna qater tóndiretin faktorlardy keshendi baǵalaý úshin «Qazaq balyq sharýashylyǵy ǵylymı-zertteý ınstıtýty» JSHS-niń jáne Gıdrobıologıa jáne Ekologıa ınstıtýtynyń mamandarymen birlesip, Inspeksıa qyzmetkerleri Dýrnev aralyna ekspedısıa uıymdastyrýda. A.j.16 sáýiri men 18 mamyry aralyǵyna josparlanyp otyrǵan bul ekspedısıanyń nátıjesinde, teńiz janýarlary óliminiń naqty sebepteri jan-jaqty zerttelip jáne olardyń ólim qaýpin tómendetý boıynsha usynystar men jobalar ázirlenedi.