Mádenıet jáne sport mınıstri konsert alańdarynda keleńsiz jaǵdaılardyń oryn almaýyn endigi qadaǵalaıtyn bolady.
«Qazaqstan» konsert zalynda bolǵan janjalldan soń kúzetshiler jumystan qýyldy. Bul jaıynda mınıstr óziniń Feısbýktegi paraqshasynda jazdy.
«Bolǵan oqıǵa úshin qatty ókinemin. Men erekshe syılaıtyn jýrnalıserdiń erkindigin eshkim tejeı almaıdy. Kúzetshilerdiń bul isteri aqylǵa qonbaıdy. Tańnan beri «Qazaqstan» konsertiniń basshylyǵyna qatań shara qoldanýdy usyndym. Kúzetshiler jumystan bosatylatyn bolady» dep jazdy mınıstr.
Sondaı-aq, Arystanbek Muhamedıuly endigi joly bundaı jaǵdaıdyń qaıtalanbaıtynyna ýáde berdi.
«EXPO-2017 qarsańynda mundaı jaǵdaıdyń oryn alýy durys emes. Keleńsiz jaǵdaılardyń qaıtalanbasy úshin endi qatań túrde qadaǵalaıtyn bolamyz. Al Dımashtyń konserti keńirek jerde ótetin bolady», dep sózin aıaqtady.
Eske sala keteıik, Dımash Qudaıbergenniń konserti bastalarda «Qazaqstan» konsert zalynyń kúzetshisi men jýrnalısiń arasynda úlken janjal týyndap sońy tóbeleske ulasqan edi.