Phenánnyń balıstıkalyq zymyran synaý áreketi sátsizdikke ushyrady dep habarlaıdy Qamshy aqparattyq agenttigi.

AQSH qorǵanys mınıstrligi aqparatyna súıenip Azattyqtyń jazýynsha, zymyran áýege kóterilgennen keıin kóp uzamaı Soltústik Koreıa aspanynda jarylyp ketken. Aldyn ala málimet boıynsha, Phenán bul joly orta qashyqtyqtaǵy balıstıkalyq zymyran synaǵyn ótkizbek bolǵan.

Soltústik Koreıa bıligi zymyrandy senbi kúni, BUU Qaýipsizdik Keńesi otyrysy aıaqtalǵannan keıin birneshe saǵattan soń ushyrǵan. Áskerılerdiń málimetine súıensek, Soltústik Koreıa raketasy jergilikti ýaqytpen tańǵy 05:30-da ushyrylǵan, biraq sarapshylar rekatanyń birneshe sekýndtan keıin-aq jarylyp ketkenin boljaıdy. 

BUU Qaýipsizdik Keńesinde sóılegen AQSH memlekettik hatshysy Reks Tılerson uıymǵa múshe elderdi Phenánǵa qarsy sanksıa rejımin kúsheıtip, BUU Qaýipsizdik Keńesiniń osyǵan deıin qabyldanǵan qararlaryn buljytpaı oryndaýǵa shaqyrǵan.

Phenánnyń taǵy da balıstıkalyq zymyran synaǵyn ótkizý áreketi týraly Twitter áleýmettik jelisi arqyly bildirgen pikirinde AQSH prezıdenti Donald Tramp Soltústik Koreıa bul qylyǵymen Qytaı men onyń «asa qurmetti prezıdentine» «dórekilik tanytyp otyr» dep aıyptaǵan.

Al, búgin Qytaı Syrtqy ister mınıstrliginiń basshysy Van I AQSH-ta memlekettik hatshy Reks Tılersonmen kezdesken. Olar Koreı jarym araly máselesin beıbit jolmen sheshýge toqaılasqan. Eki el ókilderi dıalog ornatý arqyly shıelenisti toqtatýdyń beıbit joldaryn qarastyryp, BUU rezolúsıasyn júzege asyrý jaǵyn sóılesken.