Fransıa memleketiniń basshylyǵyna úmitkerler arasynda pikirsaıys ótti dep habarlaıdy Qamshy aqparattyq agenttigi tvzvezda.ru silteme jasaı otyryp. Bul pikirsaıysqa «Alǵa» dep atalatyn qozǵalystyń  lıderi Emmanýel Makron men saıasatker Marın Le Pen qatysty.

Bul pikirsaıysty Le Pen bastap, Makron baqylaýǵa alynbaǵan jahandanýdy, turaqsyzdyqty, álemdik soǵysty usyný arqyly ekonomıkanyń quldyratady dep óz pikirin bildiredi. Sonymen birge Le Pen Reseımen «qyrǵı qabaq soǵysty» bastaýdyń qajeti joq dep oılaıdy. «Kerisinshe, Reseımen ara-qatynasty durystap, saýda baılanysyn ornatý arqyly jaǵdaıymyzdy odan ári jaqsarta alamyz»,-  deıdi Le Pen óz pikirin bildirý barysynda.

Al Makron bul pikirge múldem kelispeıdi.  Ol álemge qaýip tóndirip otyrǵan DAISH-pen soǵysýdy jón sanap otyr.

«Siz saıası ótirik aıtý arqyly basshylyqqa talasqyńyz keledi.Siz qoıylǵan suraqqa tolyq jaýap bere almaısyz. Al men múldem jalǵan sóılep jatyrǵan joqpyn. Men siz sekildi Pýtınniń aıtqanymen júrgim kelmeıdi. Men oǵan baǵynbaımyn da»,- dep qarsy pikir bildirdi Makron.

Le Pen óz kezeginde Makronǵa bylaı jaýap berdi: «Kez-kelgen jaǵdaıda Fransıany áıel adam bıleıdi. Ol áıel men bolamyn nemese madam Merkel bolady».

Bul pikir saıys tikeleı efır arqyly kórsetildi jáne 2 saǵatqa sozyldy. Kópshiliktiń pikirine súıenetin bolsaq, Makron 2-kezeńde 60% kórsetkishpen Le Pendi jeńýi múmkin.