Búgin redaksıamyzǵa almatylyq oqyrman habarlasyp, qalada birneshe kóshe qorshaýǵa alynyp, saldarynan kólik keptelisi bolǵanyn aıtty. Degenmen Almaty qalalyq ishki ister departamenti qalada eshqandaı tótenshe jaǵdaı bolmaǵanyn jetkizdi, dep habarlaıdy Baq.kz tilshisi.

«Almaty qalasynda dúrligetindeı eshteńe bolǵan joq. Jergilikti polısıa qyzmetkerleri jolda avtokólikterdi turaqqa durystap qoıýǵa baǵyttalǵan is sharalardy júzege asyrdy. Qorshaý nemese bireý evakýasıalandy degen aqparat jalǵan. Joldardy retteý, joldardyń qaýipsizdigin qamtamasyz etý – kúndelikti jumysymyz», - deıdi Almaty qalalyq İİD resmı ókili Saltanat Ázirbek.

Alaıda Tengrinews.kz saıty Almatyda Fýrmanov pen Shevchenko kósheler qıylysynyń mańyndaǵy aımaq qorshaýǵa alyndy degen aqparat taratyp otyr. Agenttiktiń málimetinshe, Prezıdent isteri basqarmasynyń aýrýhanasy mańynda qara kıimdi adamdar júr.