Azıa elderinde tanymal qytaılyq WeChat messendjeri Reseıde buǵattaldy. Roskomnadzor (Reseıdiń aqparattyq tehnologıa jáne komýnıkasıa salasyna baqylaý jasaý qyzmeti) tyıym salynǵan saıttar tizimine wechat.com adresin de qosqan dep habarlaıdy Qamshy aqparattyq agenttigi vesti.ru-ǵa silteme jasap.

Tyıym salynǵan saıttar tizimine «Restricting» eskertpesimen wechat.com da qosylǵan. Buǵattaý  WeChat tehnıkalyq domeni men barlyq qyzmettik IP adresterge qatysty. Sondyqtan messendjer chatyn paıdalaný da múmkin emes. Buǵan deıin ondaı eskertpemen «ınternet-rasıa» Zello, Line jáne BBM messendjerlerine de buǵat qoıylǵan. Belgili bolǵandaı olardyń ıeleri  aqparat taratshy bolýdan jáne Reseı quqyq qorǵaý organdaryna óz tutynýshylarynyń málimetterin berýden bas tartqan.

Reseıdegi WeChat qoldanýshylary Twitter-de servıstiń qoljetimdi emes ekenin habarlady. Kóptegen provıderler WeChat resmı saıtyna baılanysty úzdi. Alaıda Roskomnadzor qytaılyq mıkroblog jelisin jaýyp tastaǵanyna resmı túsinikteme bergen joq.