Ánshi Qaınar Qatpaıdyń jańa beınebaıany shyqty dep habarlaıdy Qamshy aqparattyq agenttigi. Ánshiniń buǵan deıin «Astana arýy» atty beınebaıany tyńdarmanǵa jol tartqan.

Beınebaıan túsirilgen ánniń tusaýy ótken jyly qazan aıynda kesilgen bolatyn. 

Saǵynyp, sarylyp, jolyńa qaraıladym,

Aldamshy jalǵanda barmysyń araıly ánim?

Janymdy gúlge bólep, saǵynsa bir keler dep,

Ótti ǵoı zaryǵyp san jyldar, san aılarym.

Qaıyrmasy:

Kóktemnen suradym kógildir mahabbattan,

Jazdan da suradym móp-móldir janar aq tań.

Aıtpady bári de, aıtpady máńgige,

Tek meniń saǵynyshym qalady artta.

Maýsymdar almasyp, jalǵasyp tańdar uzaq,

Alystap barady, qalady arman jyraq.

Elitip bóten kúıge, ózińsiz óter dúnıe,

Kerýendeı buıdasyz Betpaqta qalǵan shyraq.

Qaıyrmasy:

Kúzden de suradym sarǵaıǵan saǵynyshtan,

Qystan da suradym mańdaıdan zári qysqan.

Aıtpady bári de, aıtpady máńgige,

Aspaıtyn ómir eken jazmyshtan.

Qaınar Qatpaı 1988-jyly, 2-aqpanda QHR, İle qazaq oblysy, Tekes aýdany, «Shıliózek» aýylynda dúnıege kelgen. 2007-2009 jyldary «Jańa áýen» konserttik seriktestiginiń ánshisi. Qytaı halyq respýblıkasyna tanymal «Gakký» tobynyń múshesi. 2009-jyly qyrkúıekte Almaty qalasyndaǵy T.Júrgenov atyndaǵy Qazaq ulttyq óner Akademıasynyń «Dástúrli án» mamandyǵy boıynsha, Qazaqstannyń Eńbek sińirgen ártisi, dástúrli ánshi , Ramazan Stamǵazıev pen Tuńǵysh Prezıdent stpendásynyń ıegeri Erlan Rysqalıdan sabaq alǵan.

2014-jyly Halqaralyq dala daýsy festıvlniń jeńimpazy. 20-ǵa tarta ánniń , «Búldirgen qyz» atty án jınaǵynyń avtory. T. Moldaǵalıevtiń sózine jazylǵan «Súıedi ekem » atty áni, Qazaqstan respýblıkasynyń eńbek sińirgen ártısi D. Tańatarovtyń án qorjynyna endi. Basqada óner juldyzdarymen shyǵarmashylyq baılanysta. Qazir Astana qalasynda, Qazaq radıosynyń qyzymetkeri.