Qaraǵandy oblystyq soty 31 mamyrda eldiń burynǵy premer-mınıstri Serik Ahmetovtiń apelásıasyn qaraıdy. Aıta keteıik, Ahmetov memleketke 17 mıllıon 310 myń myń teńge shyǵyn keltirdi degen sot sheshimine qarsy shyǵyp otyr, - dep habarlaıdy Tengrinews.kz.

Qaraǵandy oblystyq sotynyń azamattyq ister jónindegi apelásıalyq alqasynyń otyrysy 11.00-ge belgilengen jáne oǵan sýdıa Elik Muhamedın tóraǵalyq etedi. 

"Qaraǵandy ákimi Ahmetov Serik Nyǵmetulynyń, Ábdishev Baýyrjan Túıteulynyń, Smaǵulov Meıram Ahmedıanulynyń, Adambekov Muhtar Ermekbaıulynyń, Jákenov Aıdos Ǵıbadollaulynyń memleketke kelgen shyǵyndy óteý týraly shaǵymy boıynsha is materıaldaryn zerttep, isti apelásıalyq óndiriske aldy. İs tyńdaýy 2017 jyldyń 31 mamyryna saǵat 11:00-ge belgilengen", - dep habarlady Qaraǵandy oblystyq sotynyń baspasóz qyzmetindegiler. 

17 mıllıon 310 myń teńge - bul, sottyń sheshimi boıynsha, Serik Ahmetovtiń jáne onyń tórt qyzmetkeriniń zańsyz áreketterinen memleketke kelgen shyǵyn.