Shyǵys Qazaqstan oblysy, Zyrán aýdanynda eki jas óz-ózderin óltirmekshi bolǵan, dep habarlaıdy Qamshy aqparattyq agenttigi Óskemen jańalyqtaryna silteme jasap.

Oqıǵa 9 mamyr kúni keshki saǵat 8-der shamasynda oryn alǵan.

“Keshki saǵat 8-derdiń kezinde kezekshi bólim týbdıspanserdiń artynda ornalasqan taýdaǵy joǵarǵy vóltty kópirge shyǵyp turǵany jaıly habarlady. Oqıǵa orynyna jetip 21 jastaǵy jigit pen 16 jastaǵy qyzdy ustadyq”, – deıdi polısıa.

Tártip saqshylarynyń málimetinshe, jastar osyndaı jolmen óz qarsylyqtaryn bildirmekshi bolypty.

“Aıtýlarynsha olar bir-birin súıedi jáne birge turǵylary keledi. Al qyzdyń áli oqýshy ekendigine baılanysty, ata-anasy bularǵa qarsy eken”, – dep túsindirdi quqyq qorǵaýshylar.

Oqıǵa orynyna polısıa qyzmetkerlerimen birge aýdan ákimi Nurjan Toqseıitov te jetken. Bılik ókilderi qutqarý operasıasy aıaqtalamyn degenshe elektr energıasyn ajyrata turý týraly sheshim qabyldaǵan.

“Jastardy qutqarý úshin bul májbúrli qadam boldy. Óıtkeni olar tym bıikke kóterilip ketken. Mektep psıhology Zýlfıa Nurskenovamen birge 40 mınýttaı olarmen kelissóz júrgizdik”, – dedi polısıa.

Baqytqa qaraı, olardy tómenge túsirip alý múmkin bolǵan. Ekeýi de oqıǵa barysynda zardap shekpegen. Polısıa málimetinshe qazirgi tańda tergeý sharalary júrgizilip jatyr.

Daıyndaǵan: Aıgerim Taýbaı