Toláttıdegi otbasylyq jup nemis ovcharkasyn kúshik kezinde asyrap alǵan. Ýaqyt óte kele ıt otbasynyń bir múshesindeı bolyp ketedi. Otbasylyq jup qaıda barsa da ıtin birge ertip júretin. Jazda ıttiń ıeleri jolda kele jatyp basqa kólikpen soqtyǵysyp, sol jerde kóz jumady. Tek ıt qana tiri qalǵan.

Apat ornynda esin jıǵan ıt ıelerin dál sol jerde tapjylmastan kútedi. Kúnder, aılar ótedi. It ornynan qozǵalmaıdy. Kez-kelgen aýa-raıynda ıt ıelerin kútýin toqtatpaıdy.

Kórshi úıdiń turǵyndary ıtti asyrap alýǵa bekinedi. Alaıda ıt eshkimge baǵynbaı apat bolǵan jerge qaraı qashyp ketip otyrǵan.

Turǵyndar ony Konstantın dep atap ketedi. Grek tilinen aýdarǵanda ol «Adal» degen maǵynany bildiredi. Jeti jylda ıt Toláttıı turǵyndary arasynda tanylyp úlgerdi.

Bir kúni qoǵamdyq kólikten ótip bara jatyp, halyq joldyń jıegindegi ıtti kórmeıdi. Kóshe bosap qalǵandaı.

«Barlyǵy ony kóretin jáne halyqtyń barlyǵy ony biletin. Konstantın ólip qalǵanda ishimizde birdeńe aýdarylyp túskendeı boldy. Qazir ondaı adaldyqty kóp kezdestire bermeısiń» deıdi Toláttı turǵyny Natalá Mýromes.

Itti ormanda óli kúıinde tapqan. Qala turǵyndary 2003 jyly aqsha jınap ıtke eskertkish ornatqan. Qazir Konstantın joldyń boıynda ıelerin kútip jolǵa kóz salyp, adamdarǵa adaldyq pen mahabbat týraly eske salyp turady. 

Aýdarǵan: Ásem Álmuhanbet