Qazaqstannyń astanasy - Astana qalasynyń háli osyndaı. Qaladaǵy turǵyn úı keshenderi jel túrtse, ushyp ketkeli tur.
Tómendegi vıdeo qalanyń turǵyn úı keshenderiniń birinde túsirilgen. Arnaý-3 dep atalatyn bul keshen - búgingi zaman talabyna saı salynǵan qala ishindegi qalashyq. Alaıda 9 qabatty kirpishten salynǵan bul úılerdiń shatyry qaǵazdan jasalǵan ba dep qalasyń. Instagram jelisinde jarıalanǵan vıdeoǵa nazar aýdarsaq, kishkene soqqan jeldiń saldarynan shatyry alynyp ketken, tipti odan ári ushyp ketýdiń ústinde tur. Buǵan qatysty halyqtyń pikiri de tolastar emes. Astanany "Jasandy qala" deıdi jeli qoldanýshylarynyń biri. Endi biri qurylysqa ketken qarajatty sanap álek. Kim ne dese de, kórer kózge aıqyn kórinip turǵan dúnıe.
Sholýshy: Gúlim Jaqan
