Cartivator jobasy 2012 jyly iske qosylǵan. Ony alpaýyt kompanılar qarjylandyrdy deıtin sybystar búginge deıin tek ınternet betinde aıtylyp kelse, endi Toyota resmı túrde negizdik kelisim bergen. Nikkei Asian jazǵandaı japondyq Toyota korporasıasy ushatyn avto jasaý úshin erikti túrde aınalysatyn ınjenerlerge 40 mln ıen ($350 myń.) bólgen dep habarlaıdy Qamshy aqparattyq agenttigi.

Jobanyń konsepsıasy usynylatyn vıderolıkte bir oryndy apparat Tokıodaǵy 2020 olımpıadasynyń  basty arenasyna qoıylǵan. Stadıonǵa júrip kelip, áýege kóteriledi. Al, ony basqaryp kele jatqan adam olımpıada alaýyn jaǵady. Iaǵnı, avtomobıldi jasaýshylar olımpıadaǵa deıin jobanyń júzege asqanyn qalaıdy.

Qazirgi ýaqytta apparattyń áýede turaqty tura alýyn qamtamasyz etý basty másele bolyp tur. Sondaı-aq kóliktiń salmaǵy ushqyshpen qosylǵan salmaǵy da qıyndyq týdyrǵan.

Skydrive jobasynyń negizin qalaýshylar ushatyn kólik arqyly kólik bógelisi máselesi sheshilip, qalalardyń bezendirilýi de kórkeıedi dep sanaıdy. Sondaı-aq, ushatyn kólikti engizýge ári ony júrgizýshilerge kýálik berý úshin arnaıy zań men uıymdar da qajet bolady.

Skydrive 2,9*1,3 metr ólshemdi kishkentaı ushý apparaty bolady.  Injenerler apparattyń jer betinen 10 metr bıiktikte 100 km/s jyldamdyqpen ushatyn bolady dep kútedi.