2017 jyly 10-12 mamyrda QR Din isteri jáne azamattyq qoǵam mınıstri Nurlan Ermekbaev Amerıka Qurama Shtattarynda (Vashıngton, Nú-Iork qalalarynda) resmı jumys saparmen boldy dep habarlaıdy Qamshy aqparattyq agenttigi.
Mınıstr jumys sapary aıasynda birneshe kezesýlerge qatysty. Sonyń ishinde, Vashıngton qalasynda Halyqaralyq dinı bostandyq jónindegi AQSH-tyń komısıanyń tóraǵasy qasıetti Tomas Dj. Rızben kezdesti. Kezdesý barysynda taraptar AQSH pen Qazaqstandaǵy dinı ahýal týraly pikir almasty.
N. Ermekbaev Halyqaralyq dinı bostandyq jónindegi AQSH-tyń komısıanyń tóraǵasy Tomas Dj. Rızbenge Qazaqstanǵa qyzyǵýshylyq tanytqany úshin alǵys bildirdi. Sonymen qatar, ózara senim men qurmetke negizdelgen konstrýktıvti jáne ashyq dıalog úshin daıyn ekendigin bildirdi.
Sondaı-aq, Vashıngton qalasynda Demokratıalandyrý, adam quqyqtary jáne eńbek jónindegi memlekettik hatshysynyń kómekshisi mindetin atqarýshy Vıktorıa Bennettpen, Dinı azshyldyq máselesi boıynsha arnaıy keńesshi Noks Temzben, Ońtústik jáne Ortalyq Azıa isteri boıynsha AQSH Memlekettik hatshysynyń kómekshisi mindetin atqarýshy Ýılám Toddpen jáne Ońtústik jáne Ortalyq Azıa isteri boıynsha AQSH Memlekettik hatshysynyń kómekshisiniń orynbasary Denıel Rozenblúmmen kezdesti.
Kezdesýge qatysýshylar azamattyq sektorydyń damýynyń keıbir aspektilerin, sondaı-aq terorızmge qarsy áreket etý máselelerin talqylady.
«Qazaqstan barlyq formalary men kórinisterinde terorızmdi aıyptaıdy jáne bul qubylysqa qarsy kúreste birlesken álemdik qoǵamdastyqtyń ujymdasqan sheshimin qoldaıdy», - dedi N.Ermekbaev.
Din isteri jáne azamattyq qoǵam mınıstri «Qazaqstan-2050» Strategıasynda, Memleket basshysynyń «Qazaqstannyń úshinshi jańǵyrýy: jahandyq básekege qabilettilik» jáne «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen mindettermen tanystyrdy.
AQSH Memlekettik Departamenti óz kezeginde Qazaqstannyń azamattyq qoǵam ınstıtýttarynyń qyzmetin retteıtin quqyqtyq bazany jetildirýdegi umtylysyn joǵary atap ótip, halyqaralyq standartqa sáıkes adamnyń quqyqtary men bostandyqtarynyń ary qaraı saqtala beretinine senim bildirdi.
Sonymen qatar, jumys sapary aıasynda N.Ermekbaev Ulttyq qaýipsizdik máseleleri boıynsha AQSH Prezıdenti Keńesshisiniń orynbasary Lıza Kertıs pen AQSH Ortalyq Azıa isteri jónindegi Ulttyq qaýipsizdik keńesiniń dırektory Devıd Gemblmen kezdesti.
Kezdesýler barysynda qatysýshylar halyqaralyq terorızm máselelerin, sonymen birge onyń aldyn alý maqsatynda jekelegen memleketter men halyqaralyq qaýymdastyq júrgizip jatqan jumystardy talqylady. Qazaqstannyń Ortalyq Azıadaǵy aımaqtyq qaýipsizdikti qamtamasyz etýdegi mańyzdy rólin atap ótti.
Nú-Iork qalasyndaǵy jumys sapary aıasynda «Din beıbitshilik úshin» atty Áledik konferensıanyń bas hatshysy Ýılám Vendlı men ı «Intersections International» dinı uıymnyń eks-dırektory Robert Cheızben kezdesti.
12 mamyrda mınıstr N.Ermekbaev «Dinaralyq jáne etnosaralyq dıalog memlekettik qurylystyń mańyzdy quramy retinde» taqyrybynda ótken brıfıńke qatysty. Brıfıń BUU janyndaǵy QR Turaqty Ókildiginiń uıymdastyrýymen ótti. Brıfıń jumysynda BUU akredıtasıalaǵan úkimettik emes uıymdardyń, BUU resmı qurylymdardyń, BUU múshe elderden kelgen delegasıa ókilderi, espertter men buqara aqparat quraldary ókilderi qatysty.
İs-sharada etnosaralyq jáne konfesıaaralyq qatynastardyń máseleleri talqylandy. Qatysýshylar Qazaqstannyń beıbitshilik pen turaqtylyqtyń basty sharty bolyp tabylatyn túrli mádenıetter men dinderdiń arasyndaǵy ashyq dıalogty ornatýdaǵy talpynysyn atap ótti.
