Nursultan Nazarbaevtyń Sırıadyǵy beıibit bitimge kepil memleketter basshylarymen Beıjińde ótkizgen kezdesýiniń qortyndysy taraptardyń qaqtyǵystardy basý zańdary boıynsha memorandýmdy júzege asyrý joldaryn belsene qarastyryp jatqanyn kórsetti. Bul týraly QR SİM basshysy Qaırat Ábdirahmanov málimdedi, - dep habarlaıdy kaz.tengrinews.kz

"Qazaqstan prezıdenti Nursultan Nazarbaevtyń kepil memlekettermen, naqtyraq aıtqanda RF jáne Túrkıa basshylarymen qazir ǵana aıaqtalǵan Beıjińdegi kezdesýi taraptardyń bul memorandýmdy iske asyrýdyń túrli aspektilerin qarastyryp jatqanyn kórsetti", - dedi Ádbirahmanov jýrnalıserge.  "Bilýimshe, bul jumysqa aldymen áskerıler tartylǵan. Óıtkeni áńgime naqty aýmaqtarǵa baılanysty. Jumystar júrgizilip jatyr, degenmen, kepil memleketter jáne múddeli taraptarǵa áli úlken sharýa bitirý kerektigi túsinikti", - dep qosty ol.  Ábdirahmanovtyń aıtýynsha, bul memorandýmdy iske asyrýdyń árbir bólshegi mańyzdy.  "Mysaly, qaqtyǵys toqtatylatyn bul aımaqtardy kim qadaǵalaıdy? Baqylaý-ótkizý pýnkterinde naqty kim qyzmet etetin bolady degen suraqtar týady", - dep aıaqtady mınıstr.