...Shapqan ultty «qyzyly» bar, «aǵy» bar,

İshten shyqqan qalyń satqyn taǵy bar.

70 jylǵy qyzyl indet jáne de

Dińkeletken shırek ǵasyr jaǵy bar...

Áli kúnge kim uıalmaı qyrtady?

Kómeıimde qanshama oılar tur taǵy...

70 jylǵy qul-qutannyń bıligi,

Shırek ǵasyr sol quldardyń urpaǵy...

Sodan bergi bir ǵasyrdaı ýaqytta,

Qaraǵanmen túregep te, jatyp ta,

Asyp-tasqan barlyq, aqyl kemeri,

«Barma,- deımin,- bólengen Ult Baqytqa?..»

Kórmesti ras, keıde kózim kóredi,

Kórgen saıyn tirilip, myń óledi.

Qansha asqanmen, tasqanmenen, shirkinder,

Qutylmaıdy, túbi jaýap beredi...

Bular bólek áńgimege taqyryp,

Dastarhanǵa túkirgen kim qaqyryp?

Qazaqty ashyq azdyrǵannan túbinde

Kúnde týar suraq alar aqyryp!..

Borsıdy eken, turǵan sý da qozǵalmaı,

Bara jatyr aıtatyn da sóz qalmaı...

Bárinen de batatyny janyma,

Bir ǵasyrda Qazaq azyp, tozǵandaı...

Kim bolsa da, bir ólý joq, bir týdyń,

Búıter me edi «astyndaǵy el Bir Týdyń?..»

Ózderi qul - tutas ultty qul etip,

Shetine ákep tirep qoıǵan qurtýdyń...

Artyq kórgen myna «qyrttan» - ol «qyrtty»,

Dep kim aıtar: «barlyǵyn da sol qurtty!..»

Qurǵaq Ýáde!

Maqtaý!

jáne

Maqtaný:

Osy «Úsh Dert te» - Qazaǵymdy boldyrtty.

Osy «Úsh Dertten» - Qazaq ońbaı utylar,

Ana quldar – Ult utylsa, qutyrar.

Óz aldyna el bolǵanmen, uqpadym,

Osy «Úsh Dertten» - Qazaq qalaı qutylar?

Shyndyqty aıtsam, sóz uqpaǵan sol qaıǵy,

Mıǵulany – topas qana qoldaıdy.

Qurǵaq Ýáde,

Maqtaý

jáne

Maqtaný:

Qurymasa, Qazaq – Qazaq bolmaıdy!..

RS

TÚIİN

Iilme Ultym, men daǵy ıilmeıin,

Kórip, sezip, men qalaı kúıinbeıin?..

«Qaıran elim, qazaǵym, qalyń jurtym...»,

Dep Abaısha oıymdy túıindeıin...