Demokratıalyq partıa atynan prezıdenttik saılaýǵa túsken AQSH-tyń burynǵy birinshi hanymy ári memlekettik hatshysy Hılları Klınton saılaý aldyndaǵy sózderin júzege asyrady dep jazady Qamshy aqparattyq agenttigi.

Hılları Klınton saılaý naýqany kezinde kótergen bastamalaryn qoldaý maqsatynda jańa saıası uıym qurdy.

Twitter-degi paraqshasynda: «Onward Together(Birlikte alǵa) uıymyn adamdardyń jigerlenip, saıası úrdisterge qatysýyna jaǵdaı jasaý maqsatynda, sondaı-aq óz áreketterin úılestirip, tipti saılaýda óz úmitkerligin usynýlary úshin iske qosyp jatyrmyz», - dep jazdy Klınton. Onyń jańa uıymynyń aty saılaý aldy úgitinde qoldanǵan Stronger Together(Birlikpen tipti de qýatty) uranyna uqsaıdy. Jańa uıymdy qurý degenimiz «Klıntonnyń resmı túrde saıasatqa oralýyn» bildiredi.

We're launching Onward Together to encourage people to get involved, organize, and even run for office. https://t.co/8exooosvZ5

— Hillary Clinton (@HillaryClinton) May 15, 2017

Onward Together resmı saıtynda onyń maqsaty - saılaýda Klıntonǵa daýys berip, qoldaý kórsetken 66 mln adamnyń ıdeıasyn alǵa tartý, sondaı-aq jalpy «údemeli qundylyqtardy» qoldaý ekendigi jazylǵan.

Aıta ketetin bolsaq, 3 mamyrda Klınton CNN telearnasyna bergen suhbatynda óziniń saılaýda jeńilýine reseılik hakerlerdi kinálaǵan edi.