Amerıkalyq Delcotimes.com saıtynyń jýrnalısi Djek MakKaferı Vesti.kz tilshisine bergen suhbatynda birinshi orta salmaqta WBO Intercontinental jáne WBA Fedelatin belbeýleriniń ıegeri qazaqstandyq kásipqoı boksshy Qanat Islamnyń meksıkalyq Norberto Gonsalespen aldaǵy jekpe-jegin taǵatsyzdana kútip júrgenin málimdedi, dep habarlaıdy Qamshy aqparattyq agenttigi vesti.kz portalyna silteme jasap.

«Islamnan kezekti áserli nokaýt kútemin. Ol óte jaqsy boksshy, talapty ári adýyndy. Roı Djonstyń anderkartynda men kórgen jekpe-jegi óte áserli boldy. Islam - laıyqty baǵasyn ala almaı júrgen boksshy, ol óz dıvızıonynda kóshbasshylardyń biri bolýǵa barlyq múmkindigi bar. Ol betkeustar boksshylarmen judyryqtasýǵa laıyq dep oılaımyn. Onyń Demetrıýs Endredpen nemese Djarrett Herdpen judyryqtasýy qyzyq bolar edi», - dedi Djek Makkaferı.

Eske salaıyq, Qanat Islam kelesi jekpe-jegin 26 mamyr kúni Florıda (AQSH) qalasynda ótkizedi. Otandasymyzdyń qarsylasy meksıkalyq Norberto Gonsales bolady. Bul jekpe-jekte birinshi orta salmaqtaǵy WBO NABA jáne WBA intercontinental belbeýleri sarapqa salynady.