QR Mádenıet jáne sport mınıstri Arystanbek Muhamedıuly Koról Feısal atyndaǵy Islamdy zertteý ortalyǵy basqarmasynyń tóraǵasy, hanzada Túrkı ál-Feısal ál Saýdpen kezdesti, dep habarlaıdy Baq.kz.
Kezdesý barysynda mınıstr qos el arasyndaǵy baılanystyń odan ári damı túsetindigin jetkizdi.
«Qazaqstan men Saýd Arabıa arasynda mádenıet, sport jáne taǵy basqa salalarda qarym-qatynas damı beredi», - dedi Arystanbek Muhamedıuly.
Óz kezeginde Saýd Arabıa hanzadasy mınıstrge alǵysyn bildirdi.
Keıin Túrkı ál-Feısal ál Saýd jýrnalıserdiń suraǵyna jaýap berip, elimizge qandaı maqsatta kelgendigin túsindirdi.
«Biz Astanaǵa Mádenıet jáne sport mınıstriniń shaqyrtýymen keldik. Sapar aıasynda Memlekettik hatshy, QR Parlament Senatynyń tóraǵasy ári Tuńǵysh Prezıdent kitaphanasy basshysymen kezdestim. Sondaı-aq, Eýrazıa Ulttyq ýnıversıteti men Koról Feısal atyndaǵy Islam zertteýler ortalyǵy arasynda ózara túsinistik jónindegi memorandýmǵa qol qoıdyq. Osy memorandým aıasynda birneshe sala boıynsha yntymaqtastyq ornaıdy», - dep túıindedi oıyn ol.
Kezdesý sońynda Arystanbek Muhamedıuly Saýd Arabıa hanzadasyna "Altyn adam" káde-syıyn syıǵa tartty.
Sholýshy: Gúlim Jaqan
Foto: Abzal Qalıev
