Tanymal parodıst Oljas Sydyqbek basy daýǵa qalǵan óner aqsaqaly Tuńǵyshbaı Jamanqulovqa parodıa jasady dep habarlaıdy Qamshy  aqparattyq agenttigi.

Ol Tuńǵyshbaıdyń oryndaýymen halyqqa tanylǵan Esenqul Jaqypbektiń sózine jazylǵan Qadyrǵalı Kóbentaıdyń «Óner adamy» ánin oryndaǵan.

«Tuńǵyshbaı Jamanqulov...

Uqsata aldym ba, joq pa?
Qazaq ónerindegi alyp tulǵa Tuńǵyshbaı aǵaǵa parodıa jasaǵan edim. Tek daýysyn ǵana emes, ol kisiniń júregine úńilip, aýyr muńyn túsinýge, ishki monologyn berýge tyrystym. Bir ǵana "áttegen-aıy" grımerlar ol kisiniń túrin uqsata almady. Tuńǵyshbaı aǵa emes, Aqseleý aǵa eken dep qalýyńyz múmkin. Endeshe, qarap kórińiz!» dep jazǵan parodıst áleýmettik jelide.

Esterińizge sala ketsek, jasy 69-ǵa jaqynda tolatyn Tuńǵyshbaı Jamanqulovtyń «69 mıllıon aqsha jymqyrdy» degen kúdikpen jarty jyldan beri soty jalǵasyp keledi. Óner adamyna qatysty sottyń sheshýshi otyrysy ótken jumada ótýi tıis bolatyn. Alaıda, dúısenbige qaldy. Qazaqstannyń eńbek sińirgen ártisi Elbasyna arasha surap hat ta jazǵan. Ony qoldaǵan óner adamdary jeterlik. Qoǵamda Jamanqulov isine senbeıtinder kóp. Olar istiń astarynda qolynda bıligi bar keıbir shendiniń jeke múddesi bar dep sanaıdy.