Aqorda Er-Rıadta ótken «AQSH-Islam álemi» samıtinen vıdeo jarıalady, dep habarlaıdy Qamshy aqparattyq agenttigi.
Vıdeo Nazarbaevtyń AQSH prezıdenti Donald Tramppen qol alysyp amandasýynan bastalady. Sondaı-aq, Elbasynyń Tájikstan jáne Ázirbaıjan prezıdentterimen áńgimelesip turǵanyn baıqaımyz.
Aıta keteıik, Memleket basshysy «AQSH – Islam álemi» samıti aıasynda birqatar memleketterdiń basshylarymen jáne delegasıa jetekshilerimen qysqa kelissózder ótkizdi.
Atap aıtqanda, Nursultan Nazarbaev AQSH Prezıdenti Donald Tramppen áńgimelesti. Áńgime barysynda ekijaqty ózara is-qımyldyń negizgi baǵyttary, sonyń ishinde saýda-ekonomıkalyq, saıası jáne mádenı-gýmanıtarlyq salalardaǵy baılanystardy tereńdetý perspektıvasy talqylandy. Eki el prezıdentteri kún tártibindegi halyqaralyq máseleler jóninde de pikir almasty.
