Mıchıgan soty 1992 jyly kisi óltirgeni úshin sottalǵan Desmond Rıksany bostandyqqa shyǵardy dep habarlaıdy sheteldik BAQ. Belgili bolǵandaı, adamdy atyp óltirgendegi oq pen tapansha jáne aıyptaýshylar tarapynan berilgen oq pen tapansha eki túrli bolyp shyqqan. Ol Djerrı Bennettyń ólimine eshqandaı qatysy bolmaı shyqty.
Desmond Rıks 25 jyl boıy óziniń kinásiz ekenin dáleldeýge tyrysqan. 2015 jyly zańgerler óltirilgen adamnyń denesinen alynǵan oqtyń fotosyn alǵan. Ol 1992 jyly kórsetilgen oq emes bolyp shyqty.
Desmond Rıksanyń advokattary isti qaıta qaraýdy talap etti. 51 jastaǵy Desmond bostandyqqa shyqty. Alaıda naqty sheshim 1 shildede qabyldanady.
«Men qaıǵyrmaımyn. Ashýlanbaımyn. Kerisinshe qýanyshtymyn. Men jumysqa ornalasqym keledi. Memleketke salyq tóleýdi qalaımyn» deıdi Desmond Rıksa.
Sholýshy: Ásem Álmuhanbet
