Óskemen qalasynyń ákimi bolyp, SHQO ákimi Danıal Ahmetovtyń eks-orynbasary Qýat Tumabaev taǵaıyndaldy, dep jazady Qamshy aqparattyq agenttigi. Bul týraly búgingi ótken qala aktıviniń otyrysynda aıtyldy.

Qýat Tumabaev 1980 jyly 30 qazanda Semeı qalasynda dúnıege keldi. 2001 jyly Shákárim atyndaǵy Semeı memlekettik ýnıversıtetin «Halyqaralyq ekonomıkalyq qatynastar» mamandyǵy boıynsha aıaqtady.

2003 jyly Qazaq gýmanıtarlyq zań ýnıversıtetin «Quqyqtaný» mamandyǵy boıynsha aıaqtady. Eńbek jolyn 2001 jyly «Aláns bank» AQ (Almaty q.) nesıe bóliminiń mamany bolyp bastady.

2002 – 2003 jyldar aralyǵynda «Kazpolıgraf» AQ (Semeı q.) qarjy-ekonomıkalyq taldaý bóliminiń mamany bolyp jumys atqardy.

2003 jyldan bastap Qazaqstan Respýblıkasy Ekonomıka jáne búdjettik josparlaý mınısrliginiń memlekettik qaryz berý jáne nesıelendirý Departamentinde úkimettik qaryz berý saıasaty bóliminiń bas mamany, 2005 jylǵy sáýirden bastap bastyǵy qyzmetin atqardy.

2005 jylǵy qyrkúıekten bastap Qazaqstan Respýblıkasy Ekonomıka jáne búdjettik josparlaý mınıstrliginiń Investısıalyq saıasat jáne josparlaý departamentinde Búdjettik ınvestısıalardy josparlaý basqarmasy bastyǵynyń orynbasary, 2006 jylǵy qyrkúıekten bastap bastyǵy qyzmetin atqardy.

2008 jyldan bastap Qazaqstan Respýblıkasy Ekonomıka jáne búdjettik josparlaý mınıstrliginiń Investısıalyq saıasat departamenti dırektorynyń orynbasary laýazymyna aýystyryldy.

2011 jyldan bastap Qazaqstan Respýblıkasy Ekonomıkalyq damý jáne saýda mınıstrliginiń Óńirlik damý komıteti tóraǵasynyń orynbasary laýazymyna taǵaıyndaldy.

2012 jyldan bastap Qazaqstan Respýblıkasy Ekonomıkalyq damý jáne saýda mınıstrliginiń Investısıalyq saıasat departamenti dırektory qyzmetin atqardy.

2014 jylǵy sáýirden bastap Ulttyq Kásipkerler Palatasy Basqarmasy Tóraǵasynyń keńesshisi qyzmetin atqardy.

2015 jylǵy naýryzdan - ekonomıka jáne búdjettik josparlaý basqarmasynyń basshysy.

2016 jyldyń 15 qańtarynda Shyǵys Qazaqstan oblysy ákiminiń orynbasary bolyp taǵaıyndaldy.

Japonıada Ónerkásiptik damýdy josparlaý (2007 j.) jáne ınfraqurylymdy damytýdaǵy Memlekettik-jeke áriptestik (2014 j.) boıynsha biliktilikti arttyrý kýrstarynan ótti.

Qazaqstan Respýblıkasy Prezıdenti janyndaǵy Memlekettik basqarý akademıasynda «Memlekettik basqarý» taqyrybynda baǵdarlama boıynsha kýrstan ótti.

Qazaq, orys jáne aǵylshyn tilderin meńgergen.